Vydaviectva Biełaruskaha ekzarchatu vypuściła sieryju knih da 600-hodździa Hrunvaldskaj bitvy.
Da 600-hodździa bitvy pad Hrunvaldam vydaviectva Biełaruskaha ekzarchatu RPC padrychtavała i vydała navukova-papularnuju knihu Alaksandra Vialka i Michaiła Marcinoviča «Hrunvaldskaja bitva». 80-staronkavaje vydańnie bahata ilustravanaje malunkami, rekanstrukcyjami, mapami i schiemami. Vydaŭcy kažuć, što kniha najpierš adrasavanaja maładomu čytaču. I spadziajucca, što vydańnie zrobić hodny ŭniosak u patryjatyčnaje vychavańnie moładzi.
Kniha «Hrunvaldskaja bitva» stała treciaj u sieryi vydańniaŭ, pryśviečanych jubileju abjadnanych vojskaŭ nad teŭtoncami. U lipieni 2010 h. vydaviectva ekzarchatu nadrukavała knihi «Piarścionak vialikaha mahistra» rasijskaha piśmieńnika Kanstancina Badzihina, pryśviečanaj piaredadniu vialikaj bitvy, i «Kryžaki» Hienryka Siankieviča. Jak i «Piarścionak vialikaha mahistra», kniha adrasavanaja maładym čytačam.
Usie try vydańni vyjšli pa-rasijsku.
