Akvarelny špacyr pa Minsku (Prazie, Hamburhu)

Ihar Sucharukaŭ. fota - Tarantino, euroradio.by

Praha, Vieniecyja, Hamburh, Viciebsk, Minsk. Pakručastyja vułki, staryja zabudovy, śpičastyja dachi ratušaŭ i kaściołaŭ. U Muziei sučasnaha vyjaŭlenčaha mastactva (Niezaležnaści, 47) idzie aŭtarskaja vystava «Akvarel. Haradski piejzaž» minskaha mastaka Ihara Sucharukava.

Naviednikam vystavy prapanavany puchki, akvarelny špacyr pa vułkach jeŭrapiejskich haradoŭ. Štości ŭ Sucharukava malavałasia z natury, štości z nakidaŭ ci fatahrafijaŭ, ale peŭnaja častka ekspazicyi — čystaja fantazija. Jak nie dziŭna, siarod «fantazijnych» pracaŭ vyłučajucca jakraz vyjavy rodnaha dla mastaka Minska. Na karcinach: rarytetnyja aŭto, krychu inakšyja abliččy budynkaŭ, niamodnaja moda minakoŭ, adnym słovam — rekanstrukcyja Minska ŭzoru 60-ych.

— Mnie chaciełasia ažyvić minski piejzaž, jaki ŭžo sto razoŭ vyjaŭlaŭsia ŭ mastactvie, — kaža Ihar Sucharukaŭ, jaki naradziŭsia ŭ 1977 h., i tamu nie moh bačyć svajoj «natury». — Na kaniec 90-ch, kali ja malavaŭ Minsk 60-ch, hety retra-pryjom byŭ novaj tvorčaj kancepcyjaj.

Dla Sucharukava, jaki skončyŭ Biełaruskuju Akademiju mastactvaŭ, a ciapier pracuje vykładčykam na kafiedry dyzajnu Minskaha instytuta kiravańnia, Minsk — heta ŭlubionyja miaściny i materyjał dla zamalovak. Adnak mastak ličyć, što «tvorcu niavažna, vulicy jakoha horada pierad im, hałoŭnaje — znajści, vyjavić pryhladnaje ŭ niepryhladnym».

Aŭtarskaja vystava Ihara Sucharukava praciahniecca da 5-ha vieraśnia.

0

0

0

0

0

0

ŁK

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH