Jak paviedamiŭ adzin z kaardynataraŭ kampanii Andrej Dźmitryjeŭ, podpisy źbiralisia pa ŭsioj krainie «z ulikam standartaŭ, jakija vyznačanyja dla zboru podpisaŭ dla vyłučeńnia kandydata ŭ prezidenty». «Ludzi achvotna padpisvajucca za vyłučeńnie Niaklajeva delehatam schodu. Adzinaje, što nam pieraškadžała, — heta pieryjad adpačynkaŭ, pakolki časam my traplali ŭ zusim pustyja damy», — dadaŭ aktyvist.
Dźmitryjeŭ paviedamiŭ, što zbor podpisaŭ budzie praciahvacca da 29 žniŭnia, paśla čaho jany projduć pravierku ekśpiertaŭ kampanii.
«Kali aficyjna budzie abjaŭlena ab sklikańni ŭsiebiełaruskaha schodu, my praviadziem zbor podpisaŭ niepasredna ŭ rajonie, dzie žyvie Niaklajeŭ, prykładziem da ich užo sabranyja i padadzim ich u arhkamitet pa praviadzieńni schodu», — skazaŭ hramadski aktyvist.
Pra hatoŭnaść stać delehatam Usiebiełaruskaha narodnaha schodu Uładzimir Niaklajeŭ abjaviŭ 19 lipienia na kanfierencyi «Pradprymalnik i dziaržava. Realii i pierśpiektyvy» ŭ Minsku.
«Prablema našaha hramadstva ŭ tym, što jano nijak nie ŭdzielničaje ŭ palityčnym žyćci krainy. Nabližajecca Usiebiełaruski nacyjanalny schod, dzie buduć prymacca važnyja rašeńni. Tamu my vyrašyli vyłučyć ad kampanii „Havary praŭdu!“ svajho narodnaha delehata na hety samy ŭsiebiełaruski schod, kab naš narodny delehat tam skazaŭ delehatam ad ułady narodnuju praŭdu. Kali kampanija daručyć mnie prava pradstaŭlać narod na Usiebiełaruskim nacyjanalnym schodzie, ja stanu delehatam», — zajaviŭ Niaklajeŭ.
Arhkamitet pa praviadzieńni IV Usiebiełaruskaha narodnaha schodu stvorany ŭ mai pa rasparadžeńni prezidenta. Jaho sustaršyniami vyznačany kiraŭnik Administracyi prezidenta Uładzimir Makiej i prem'jer-ministr Siarhiej Sidorski.
Stvorana mižviedamasnaja rabočaja hrupa pa raspracoŭcy prajekta Prahramy
Data praviadzieńnia schodu pakul nie nazyvałasia.
