Astanki čałavieka, jaki žyŭ u Ledavikovy pieryjad (bolš jak 10 tys. hadoŭ tamu), znajšli mieksikanskija archieołahi, paviedamlajuć infarmahienctvy.
Pavodle słoŭ pradstaŭnikoŭ Nacyjanalnaha instytuta antrapałohii i historyi (NIAH) Mieksiki, škilet znojdzieny ŭ adnoj z zatoplenych piačor na paŭvostravie Jukatan. Astanki źjaŭlajucca adnymi z najbolš staražytnych u liku tych, jakija znojdzieny da hetaha času archieołahami na amierykanskim kantyniencie. Razmova idzie ab škilecie maładoha čałavieka, jak miarkujecca, mužčynskaha połu, jakomu vučonyja dali imia Čan Chol — pa naźvie piačory, dzie znachodzilisia jaho astanki.
Archieołahi i vopytnyja śpieleołahi padniali škilet, jaki zachavaŭsia na 60 pracentaŭ, z hłybini 8,3 m z zatoplenaj piačory praciahłaściu 542 m. Daśledavańnie hrota mocna ŭskładniałasia tym, što mnohija jaho chady zakančvalisia tupikami abo akazvalisia pieraharodžanymi sucelnym «lesam» stałahmitaŭ.
Jak miarkujuć vučonyja, cieła junaka pachavali ŭ piačory staražatnyja žychary hetaj terytoryi Mieksiki. Bolš jak 10 tys. hadoŭ tamu ŭzrovień mora byŭ na 150 m nižejšy za ciapierašni i stvoranaje pryrodaj padziamielle nie było zatoplena.
Raniej mieksikanskija archieołahi ŭžo znachodzili astanki staražytnych ludziej u zatoplenych piačorach — ksienotach, mnostva jakich isnuje na terytoryi štata