25 žniŭnia pačaŭsia vizit u Biełaruś ministra zamiežnych spraŭ, mižnarodnaha supracoŭnictva i hambijcaŭ za miažoj Respubliki Hambija Mamadu Tanhara.
Jak paviedamlaje pres-słužba MZS Biełarusi, u chodzie vizitu, jaki budzie doŭžycca pa 28 žniŭnia, zapłanavany sustrečy Tanhara ź jaho biełaruskim kaleham Siarhiejem Martynavym, ministram pramysłovaści Alaksandram Radzievičam, ministram adukacyi Alaksandram Radźkovym, pieršym namieśnikam ministra sielskaj haspadarki i charčavańnia Nadziejaj Katkaviec.
Prahramaj vizitu taksama praduhledžvajecca naviedvańnie RUP «MTZ», Parka vysokich technałohij, Navukova-praktyčnaha centra pa miechanizacyi sielskaj haspadarki NAN Biełarusi.
26 žniŭnia zapłanavana padpisańnie Miemaranduma ab parazumieńni pamiž źniešniepalityčnymi viedamstvami Biełarusi i Hambii.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
