Brytanskija navukoŭcy adkryli zvyšniebiaśpiečnaje zachvorvańnie 2

Brytanskija navukoŭcy papiaredžvajuć pra novaje nadzvyčaj niebiaśpiečnaje zachvorvańnie, jakoje moža mieć značna bolš nastupstvaŭ za śviny hryp.

Razmova idzie pra bakteryjalny hien NDM-1, jaki lohka pierachodzić ad bakteryjaŭ adnaho vidu da inšaha i źjaŭlajecca nadzvyčaj nieŭsprymalnym dla samych mocnych antybijotykaŭ.

Svaim nazovam NDM-1 (New Delhi metallo-lactamase-1) abaviazany Indyi. Jak adznačajuć daśledčyki ŭniversytetu Kardyf (Vialikabrytanija) ŭ artykule, źmieščanym u apošnim numary aŭtarytetnaha medyčnaha časopisu Lancet, upieršyniu tak zvanaja superbakteryja była vyjaŭlenaja hod tamu ŭ kišečnaj flory adnaho šveda. Padobna mnohim inšym zachodnim turystam, hałoŭnym čynam brytancam, šved naviedaŭ Indyju, kab paraŭnalna za nievialikija hrošy lehčy pad nož plastyčnaha chirurha. Viarnuŭšysia dadomu, mužčyna napačatku adčuŭ niejkaje niedamahańnie, padobnaje tamu, što byvaje pad čas vostraj reśpiratornaj infekcyi.

Kiepskaje samaadčuvańnie akazałasia praciahłym, a vysokaja temperatura nie źnižałasia. Pryjom medykamentaŭ, pad kaniec davoli mocnych, byŭ biezvynikovym. Naadvarot, lačeńnie nibyta sadziejničała raźvićciu chvaroby niavyśvietlenaha pachodžańnia.

Štości padobnaje prykładna ŭ toj ža čas nazirałasia i ŭ adnaho belhijca. Hety čałaviek padarožničaŭ na aŭtamabili pa Indyi i Pakistanie, trapiŭ u avaryju, u vyniku byŭ dastaŭleny ŭ adzin ź miascovych špitalaŭ. Pa viartańni dadomu — taja ž niezvyčajnaja karcina, što i ŭ šveda.

Sioleta najaŭnaść superbakteryi aficyjna vyjaŭlenaja ŭ dziesiatkaŭ žycharoŭ inšych zachodnich krain — ZŠA, Kanady, Niderlandach, Brytanii, Aŭstralii. Mnohija ź ich taksama rabili tak zvanyja «medyčnyja tury» ŭ Paŭdniovuju Aziju, najpierš, u Indyju, Pakistan, Banhładeš…

Jak śviedčyć viadučy aŭstralijski lekar — infekcyjanist z universyteckaj kliniki ŭ Kanbiery Piter Kolnan, jaki ciapier naziraje

Prablemy, vyklikanyja NDM-1, uzmacniajucca tym, što ŭ bližejšyja 10 — 20 hadoŭ uźniknieńnia anijakich novych efektyŭnych antybijotykaŭ nie pradbačycca.

Inšymi słovami, pacyjentu praktyčna ništo nie dapamoža.za tryma «śviežymi» chvorymi na NDM-1, «toje, što ciapier nazirajecca ŭ zachodnich špitalach, heta ŭsiaho tolki viaršynia ajsberhu. Nieŭzabavie medyki sutyknucca kudy z bolšaj kolkaściu padobnych chvorych».

Što da Vialikabrytanii, dzie zafiksavana 50 vypadkaŭ superinfekcyi, u tym liku ź niekalkimi śmiarotnymi vynikami, to ministerstva achovy zdaroŭja hetaj krainy zajaviła pra sapraŭdnuju tryvohu ŭ suviazi ź isnujučaj sytuacyjaj. Pavodle ekspertaŭ, takija zajavy robiacca nadzvyčaj redka.

Jak śviedčyć adzin z admysłoŭcaŭ brytanskaha Ahienctva pa abaronie zdaroŭja doktar Devid Livermor, «u niekatorych vypadkach symptomy byli vyjaŭlenyja słaba, u inšych — nadzvyčaj mocna, až da zaražeńnia kryvi». Pavodle Livermora, pakul hien NDM-1 znajšli ŭ dźviuch bakteryjach — uzbudžalniku pneŭmanii i ŭ kišečnaj pałačcy. Adnak vidavočna, što fermenty NDM-1 taksama syntezujucca mnohimi inšymi bakteryjami, a heta moža pryvieści da ŭźniknieńnia bakteryjalnaha štamu, zvyšustojlivaha navat da samaha sučasnaha najmacniejšaha vidu antybijotykaŭ z hrupy karbapeniemaŭ. Prablema ŭzmacniajecca tym, što ŭ bližejšyja 10 — 20 hadoŭ ŭźniknieńnie nijakich novych efektyŭnych antybijotykaŭ nie pradbačycca. Inšymi słovami, pacyjentu, jakija pakutuje na NDM-1 praktyčna ništo nie dapamoža.

Jak adznačajuć medyki, ciapier svaju hałoŭnuju zadaču jany bačać vyklučna ŭ chutkim vyjaŭleńni chvorych hetaj formaj infekcyi i ich izalacyi. Pakul, kažuć admysłoŭcy, pieravažnaja bolšaść pacyjentaŭ z bakteryjalnym zaražeńniem NDM-1 paddajecca lačeńniu kambinavanymi antybijotykami.

U svaju čarhu, viedamstvy pa achovie zdaroŭja rekamendujuć lekaram dbajna vykonvać zvyčajnyja miery hihijeny, uklučna z uborkaj špitalaŭ, sterylizacyjaj instrumentaŭ i abstalavańnia, a taksama elementarnym myćciom ruk.

«Usim špitalam varta trymać infekcyju pad kantrolem i nie dapuskać jaje raspaŭsiudu, kažuć u ministerstva achovy zdaroŭja Vialikabrytanii.

Dla hetaha nieabchodna ŭdakładniać, ci nie prachodziŭ pacyjent lačeńnia za miažoj i nakiroŭvać analizy na ekspertyzu ŭ Ahienctva pa abaronie zdaroŭja».

Palityčnyja koły Indyi ličać daśledavańni brytanskich navukoŭcaŭ ab NDM-1 «teoryjaj zmovy suprać krainy». Jany taksama pratestuju i suprać samoj nazvy New Delhi metallo-lactamase-1

Pakul, zapeŭnivajuć u ministerstvie, kolkaść zachvorvańniaŭ adnosna nievialikaja, i Ahienctva praciahvaje adsočvać sytuacyju i prasoŭvać raspracoŭku novych antybijotykaŭ sumiesna z kalehami ź inšych krain».

Tym časam palityčnyja koły Indyi ličać źmieščanuju ŭ časopisie Lancet novuju teoryju brytanskich navukoŭcaŭ ab hienie, adkaznym za rezystentnaść antybijotykaŭ, «teoryjaj zmovy suprać krainy».

Napiaredadni ministerstva achovy zdaroŭja Indyi zajaviła, što daśledavańnie moža vyklikać paniku. Taksama viedamstva asudziła prapanavanuju navukoŭcami nazvu novaha hiena NDM-1 (New Delhi metallo-lactamase-1), jakaja ŭ pierakładzie aznačaje «novy delijski metala-łaktkamaz-1».

svaboda.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH