Praz hod paśla pieršaj uspyški śvinoha hrypu Suśvietnaja arhanizacyja achovy zdaroŭja abviaściła pra kaniec pandemii.Kiraŭnictva arhanizacyi zapeŭniła, što virus bolš nie ŭjaŭlaje pahrozy, i pryznała, što pandemija akazałasia našmat mienš niebiaśpiečnaj, čym čałkałasia.
Pandemija kaštavała padatkapłatnikam va ŭsim śviecie miljardy jeŭra.Francuzy zamovili vakcyny na 860 młn jeŭra, niemcy — na 417 młn, niderłandcy — na 300 młn, a italjancy — na 184 młn jeŭra. Na vypłaty daktaram i miedsiostram, što pracavali ŭ niepracoŭny čas, adna Francyja vydatkavała 150 młn jeŭra. Jašče 95 młn pajšło na arendu składaŭ, 8,5 młn — na šprycy, a 6 młn — na infarmacyjnuju kampaniju. Darma?
Pryščepki zrabła tolki 5% francuzaŭ. Nienašmat lepiej było ŭ inšych krainach. Na pryščepki pahadziłasia 4% italjancaŭ, 10% niemcaŭ, 20% amierykancaŭ i 25% brytancaŭ. Heta tłumačycca tym, što paśla pačatkovaj paniki akazałasia, što hryp našmat mienš niebiaśpiečny, čym kazali ekśpierty SAAZ.
Hodam raniej SAAZ abviaściła, što ad śvinoha hrypu moža pamierci až da 7 młn čałaviek. Jeŭrapiejskaja hiematałahičnaja arhanizacyja pradkazvała, što virusam zarazicca kala 30% jeŭrapiejcaŭ. Nasamreč pamierła kala 18,5 tys. čałaviek. Padčas siezonnaj epidemii hrypu štohod pamiraje da 0,5 młn.
U krainach zastałasia kałasalnaja kolkaść niavykarystanaj vakcyny.Niekatoryja ŭrady zdoleli ŭpeŭnić farmaceŭtyčnyja kampanii pierahledzieć damovy, ale, naprykład, amierykancy zastalisia z 40 młn dozaŭ praterminavanaj vakcyny.
Z nahody mahčymaj pamyłki SAAZ Parłamienckaja asambleja Rady Jeŭropy praviada raśledavańnie i pa vynikach jaho pryniała rezalucyju, u jakoj śćviardžałasia, što rašeńnie SAAZ pra abviaščeńnie pandemii było nieabhruntavanym.Polskamu ministru achovy zdaroŭja Evie Kopač, jakaja adzinaj ŭ Jeŭropie admoviłasia zakupać vakcynu, była vykazanaja ŭdziačnaść za «śmiełaje i mudraje rašeńnie» pryniataje samastojna, niahledziačy na «ŭsiebakovy cisk». Asambleja zaklikała SAAZ da bolšaj prazrystaści i ŭzmacnieńnia kantrolu padčas pryniaćcia rašeńniaŭ.
0
0
0
0
0
0
