U Kobrynskim rajonie 25-hadovy vadziciel źbiŭ naśmierć skuterysta

DTZ adbyłosia 11 žniŭnia kala 5 hadzin ranicy na aŭtadarozie Kobryn — Małaryta niepadalok ad vioski Patryki.

25-hadovy niepracujučy žychar Kobryna nie spraviŭsia z kiravańniem aŭtamabilem «Miersiedes-Bienc C 200» i sutyknuŭsia sa skuteram «Vajpier», jaki ruchaŭsia ŭ spadarožnym napramku. U vyniku 53-hadovy skuteryst, taksama žychar Kobryna, pamior na miescy. Miesca ŭčynieńnia DTZ vadziciel «Miersiedesa» pakinuŭ. Jaho zatrymali praz čatyry hadziny paśla avaryi ŭ Kobrynie.

Raspačata sprava pa artykule 317 častka 2 KK (parušeńnie praviłaŭ darožnaha ruchu abo ekspłuatacyi transpartnych srodkaŭ). Ustanoŭlena, što vadziciel aŭtamabila nie maje prava kiravańnia transpartnymi srodkami, a mašyna, na jakoj jon učyniŭ avaryju, jamu nie naležyć.

Z pačatku hetaha hoda ŭ Bresckaj vobłaści zarehistravanyja 34 DTZ, paśla ŭčynieńnia jakich vadzicieli źjazdžali. U vyniku takich avaryj 10 čałaviek zahinuli, 25 — byli paranienyja. U 26 vypadkach asoby vadzicielaŭ ustanoŭleny.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH