Pra heta paprasili papiaredzić kiroŭcaŭ u Dziaržaŭtainśpiekcyi MUS Biełarusi.
— Parkavacca lepš jak maha dalej ad vialikich, asabliva starych, dreŭ, — adznačyŭ načalnik słužby prafiłaktyki i prapahandy biaśpieki darožnaha ruchu śpiecyjalnaha padraździaleńnia DPS «Strała» MUS Jaŭhien ŁAPIEC, — bo padčas mocnaha vietru dreva moža pavalicca na vašu aŭtamašynu.
Akramia taho, u składanych darožnych umovach DAI rekamienduje ŭklučać blizkaje śviatło faraŭ, a padčas prypynku — avaryjnuju śvietłavuju sihnalizacyju. Tak inšym udzielnikam darožnaha ruchu budzie lahčej prykmiecić vaš aŭtamabil.
Na aŭtorak sinoptyki prahnazujuć navalnicy i škvalny viecier. U takich umovach značna paharšajecca bačnaść. Pył i chimičnyja złučeńni ź pieršymi kroplami daždžu pieratvarajucca ŭ maślenuju plonku, jakaja značna źnižaje sčapleńnie kołaŭ z asfaltam i pavialičvaje tarmazny šlach. Tamu, apynuŭšysia ŭ pałasie daždžu, nieabchodna adrazu ž źnizić chutkaść i ŭtrymacca ad rezkich manieŭraŭ i tarmažeńnia.
Akramia taho, nahadali ŭ adździele ahitacyi i prapahandy DAI HUUS Minharvykankama, da 12 žniŭnia ŭklučna ŭ Minsku abjaŭlena baraćba ź niapravilnaj parkoŭkaj hruzavikoŭ. Pry vyjaŭleńni parušeńniaŭ praviłaŭ stajanki kiroŭcaŭ vielikahruznych aŭtamabilaŭ čakaje štraf, a ich kiraŭnikam, słužbovym asobam, buduć vydavacca pradpisańni.
