U Biełarusi z-za niebiaśpieki ŭźniknieńnia pažaraŭ adkładziena adkryćcio palavańnia na dzikich ptušak. Adpaviednuju pastanovu ab pieranosie terminaŭ siezona palavańnia, jaki pavinien byŭ pačacca 7 žniŭnia, pryniaŭ urad, paviedamili ŭ Ministerstvie lasnoj haspadarki Biełarusi.
U Minlashasie adznačyli, što siezon adkryjecca paśla zakančeńnia pažaraniebiaśpiečnaha pieryjadu.
Jak paviedamiŭ načalnik adździeła palaŭničaj haspadarki i pabočnaha lesakarystańnia Ministerstva lasnoj haspadarki Siarhiej Šastakoŭ, pieranos terminaŭ palavańnia na dzikich ptušak na bolš poźni čas daść mahčymaść zabiaśpiečyć spakojnuju abstanoŭku ŭ lasach i na bałotnych uhodździach va ŭmovach anamalnaj śpiakoty i vysokaj pažaraniebiaśpiečnaj situacyi.
U Minlashasie było ŭvažliva praanalizavana stanovišča ŭ lasach za apošni tydzień. Hałoŭnym arhumientam dla pieranosu terminaŭ palavańnia staŭ niesuciašalny prahnoz ab pavyšeńni tempieratury pavietra da plus 39 hradusaŭ, u tym liku i na 7 žniŭnia - płanujemy dzień adkryćcia siezona palavańnia, a taksama pavyšeńnie kłasa pažarnaj niebiaśpieki ŭ lasach da čaćviortaha (vysokaha). "Usio heta vyklikała nieadkładnaje pryniaćcie dadatkovych mier, nakiravanych na papiaredžańnie, apieratyŭnaje vyjaŭleńnie i tušeńnie lasnych i tarfianych pažaraŭ", - raskazaŭ Siarhiej Šastakoŭ.
U Minlashasie ŭpeŭnieny, što amatary palavańnia z razumieńniem pastaviacca da rašeńnia ab pieranosie terminaŭ palavańnia. "My razasłali adpaviednyja piśmy ŭ adras palaŭničych haspadarak z prośbaj pravieści siarod palaŭničych rastłumačalnuju rabotu", - dadaŭ surazmoŭca.
