Biełaruskaja apazicyja źviarnułasia ŭ Radu biaśpieki AAN z prośbaj pravieści mižnarodnaje rasśledavańnie spraŭ ab źniknieńni bolš za 10 hadoŭ tamu apazicyjnych palitykaŭ Viktara Hančara i Juryja Zacharanki, a taksama biźniesmiena Anatola Krasoŭskaha i žurnalista Dźmitryja Zavadskaha.
5 žniŭnia zvarot nakiravany ministram zamiežnych spraŭ pastajannych členaŭ RB AAN — Kitaja, Rasii, Vialikabrytanii, Francyi i ZŠA.
«Pravaabaroncy Biełarusi, advakaty siemjaŭ i rodnych źnikłych vykarystali ŭsie ŭnutranyja, a taksama rehijanalnyja i mižnarodnyja miechanizmy pravavoj abarony, ale nie dabilisia vyniku, — havorycca ŭ dakumiencie. — Kiraŭnik Biełarusi Alaksandr Łukašenka, jaki zastajecca va ŭładzie z taho času, kali adbylisia źniknieńni, nie stvaryŭ umoŭ dla praviadzieńnia dakładnaha i niepraduziataha rasśledavańnia hetych spraŭ i błakiravaŭ sproby mižnarodnaj supolnaści daviedacca praŭdu ab losie źnikłych».
Pradstaŭniki apazicyi zaklikajuć stvaryć kamisiju Rady biaśpieki AAN pa rasśledavańni źniknieńniaŭ lideraŭ apazicyi i hramadskich dziejačaŭ Biełarusi ŭ 1999–2000 hadach. Pry hetym jany ŭkazvajuć na precedent stvareńnia mižnarodnaj kamisii AAN pa rasśledavańni zabojstva byłoha prem'
Aŭtary zvarotu zaklikajuć ministraŭ zamiežnych spraŭ vyšejnazvanych krain «razhledzieć prablemu źnikłych lideraŭ apazicyi i hramadskich dziejačaŭ Biełarusi na ŭzroŭni Rady biaśpieki AAN» i vykarystać svoj upłyŭ «dla taho, kab zabiaśpiečyć mižnarodnaje rasśledavańnie losu zahinułych».
Zvarot padpisali apazicyjnyja biełaruskija palityki Stanisłaŭ Šuškievič, Andrej Sańnikaŭ, Anatol Labiedźka, Miečysłaŭ Hryb, Siarhiej Kalakin, Alaksiej Janukievič, Michaił Marynič i inšyja.
Pra namier źviarnucca ŭ AAN pradstaŭniki apazicyi paviedamili na
