Paŭpraŭda ad «Minabłsajuzdruka»: «NN» z «Chrosnym baćkam» pastupiła z zatrymkaj

«Biełaruskaja asacyjacyja žurnalistaŭ» atrymała adkaz na zapyt u UP «Minabłsajuzdruk» ab pryčynach adsutnaści «Našaj Nivy» № 25 u kijoskach Minskaj vobłaści.

Pra toje, što numar haziety ad 7 lipienia ź infarmacyjaj pra film NTV «Chrosny baćka» nie źjaviŭsia ŭ prodažy, masava infarmavali čytačy z usioj krainy.

U liście za podpisam dyrektara «Minabłsajuzdruku» Alaksieja Kudrejki paviedamlajecca, što numar «pastupiŭ u prodaž… ale ź nievialikim spaźnieńniem pa techničnych pryčynach. Na žal, padobnyja vypadki zredku zdarajucca».

Nahadajem, RUP «Biełsajuzdruk» (jamu naležyć hazietna-časopisnaja ekśpiedycyja, što adkazvaje za razvoz haziet u rehijanalnyja «sajuzdruki») adkazaŭ na padobny zapyt, što «vydańnie było nakiravana dla realizacyi ŭ handlovyja abjekty pradpryjemstva svoječasova 7 lipienia 2010 hoda».

Miž tym u piatnicu, 9 lipienia, viadučy śpiecyjalist adździeła pieryjodyki «Minabłsajuzdruku» Alena Cierachava kazała supracoŭniku «NN», što «NN» № 25 da ich nie pastupała. Heta značyć, «nievialikaja zatrymka» skłała jak minimum dva dni.

Adpaviednyja zapyty pra los «NN» № 25 skiravanyja va ŭsie abłasnyja «sajuzdruki».

Red.

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH