Biełaruś moža zastacca Biełaruśsiu, tolki vybraŭšy jeŭrapiejski šlach raźvićcia. Takoje mierkavańnie vykazaŭ u intervju BiełaPAN lider ruchu «Za Svabodu» Alaksandr Milinkievič, były kandydat u prezidenty na vybarach 2006 hoda i pretendent na pasadu kiraŭnika dziaržavy na budučych.
«Biełaruś moža być Biełaruśsiu, zachavaŭšy svaje movu i kulturu, tolki ŭ Jeŭrapiejskim sajuzie. Inakš my budziem zmahacca za vyžyvańnie, za isnavańnie, jak heta adbyvajecca siońnia», — skazaŭ palityk, budučy ŭ Mahilovie na abłasnoj kanfierencyi demakratyčnych sił, jakaja prajšła 31 lipienia.
Paraŭnoŭvajučy prezidenckija vybary 2006 hoda ź ciapierašniaj rasstanoŭkaj palityčnych sił, Milinkievič zaznačyŭ, što zaraz situacyja ŭ krainie «zusim inšaja». «Aprača prablem z demakratyjaj jość vialikija prablemy z utrymańniem niezaležnaści. Aprača taho, apazicyja ŭ 2006 hodzie była niadrenna abjadnanaja, a siońnia abjadnańnia pakul nie atrymlivajecca», — zajaviŭ lider ruchu «Za Svabodu».
Adnoj z najvažniejšych metaŭ dla demakratyčnych sił jon bačyć padrychtoŭku nie stolki da ciapierašnich prezidenckich vybaraŭ, jakich, pavodle słoŭ Milinkieviča, «nasamreč niama, i nichto hałasy padličvać dakładna nie budzie», kolki da vybaraŭ, jakija buduć abjaŭlenyja paśla taho, jak «ułada vymušana budzie syści».
«Voś na tych — demakratyčnych — vybarach budzie vyrašacca vielmi mnohaje, — upeŭnieny Milinkievič. — I my pavinny rychtavacca da taho, što budzie na svabodnych vybarach: abjadnoŭvacca, umacoŭvać našy siły, strukturyravać ich, pryciahvać moładź i hetak dalej».
Što tyčycca asabista jaho zadačy, to jana, pavodle słoŭ palityka, «całkam jasnaja»: «Ja chacieŭ by abjadnać ludziej, jakim nie ŭsio roŭna, dzie budzie Biełaruś, jaki šlach raźvićcia jana abiare. Pryciahnuć novych ludziej, mieć dobryja prahramy pierabudoŭvańnia Biełarusi. Na heta patrebna pracavać ŭvieś čas. Ja biaru na siabie rolu lidera prabiełaruskich prajeŭrapiejskich sił».
Nahadajem, pra rašeńnie bałatavacca na pasadu prezidenta Milinkievič aficyjna zajaviŭ 3 maja, sklikaŭšy
Aprača Milinkieviča pra namier bałatavacca na pasadu kiraŭnika dziaržavy na hety momant zajavili sustaršynia arhkamiteta pa stvareńni partyi «Biełaruskaja chryścijanskaja demakratyja» (BCHD) Vital Rymašeŭski, lider
Zhodna z Kanstytucyjaj vybary prezidenta pavinny prajści nie paźniej jak 9 lutaha 2011 hoda.
