Šaściarym zatrymanym prypisali ŭdzieł u niesankcyjanavanym mierapryjemstvie.
Ivan Šyła paśpieŭ namalavać tolki koła.
Za malunki na asfalcie zabrali ŭ milicyju šeść čałaviek.
Achoŭnika paradku naściarožyła sonca.
Akcyju zdymała BT.
A raptam i hety - apazicyjanier?
U horadzie la kramy «Dziciačy śviet» musiŭ adbycca konkurs malunkaŭ na temu lubovi da Radzimy, jaki tradycyjna 27 lipienia, u hadavinu abviaščeńnia Dekłaracyi niezaležnaści, ładzić salihorski «Małady Front».
Za paŭhadziny da mierapryjemstva ŭ dvuch chłopcaŭ ź Minsku, što pryjechali pahladzieć imprezu, milicyjanty dahladzieli rečy ŭ zaplečnikach i pierapisali pašpartnyja dadzienyja.
A
Śpiecyjalna dziela konkursu pryjechali sa stalicy supracoŭniki BT.«Zaraz uklučym muzyku, pačniom malavać — šmat ludziej dałučycca», — raspaviali arhanizatary, zychodziačy ź minułaha dośviedu. Adnak, suprać malavańnia na asfalcie vystupili milicyjanty, jakich sioleta naličvałasia dosyć šmat: čałaviek piatnaccać u formie i niekalki ŭ cyvilnym.
Ivan Šyła, adzin ź inicyjataraŭ štohadovaha konkursu, marna sprabavaŭ damovicca z pravaachoŭnymi orhanami. Urešcie junak zaklikaŭ pačynać malavać i sam uziaŭsia za krejdu.
Nieŭzabavie piaciora junakoŭ — Ryhor Astapienia, Ivan Šyła, Andruś Tyčyna, Illa Nahorny, Siarhiej Hieranovič — apynulisia ŭ milicejskich mašynach, adna z katorych vyhladała zusim pa cyvilnamu. Pierad zatrymańniami chłopcy paśpieli namalavać tolki niekalki linijaŭ.
Maładafrontaviec Alaksiej Vałabujeŭ abviaściŭ prysutnym, što konkurs nie adbudziecca i zaklikaŭ padyjści da pastarunku, kab maralna padtrymać zatrymanych. Praz chvilinu Alaksiej užo siadzieŭ kala Ivana ŭ milicejskaj mašynie.
Paplečniki zatrymanych sabrali pryhatavanyja pieramožcam konkursu padarunki, krejdu dy rušyli ŭ bok parka. Za dziejańniami moładzi ŭ skviery ciaham niekalki hadzin sačyła «achova» z
U pastarunku na zatrymanych skłali pratakoły pa artykułu 23.34 administracyjnaha kodeksu, «udzieł u niesankcyjanavanym mierapryjemstvie». Praz try hadziny ŭsich šaściarych adpuścili.
