Anamalnaja śpioka zachavajecca ŭ našaj krainie da kanca miesiaca. Pra heta paviedamiła Volha Fiadotava, hałoŭny sinoptyk Biełhidramietcentra.
«Na žal, istotnych źmienaŭ u charaktary nadvorja nie pradbačycca.
Kali znoŭ tempieratura moža pavyšacca da 27–34 hradusaŭ, a miescami ŭ piatnicu i subotu pa Biełarusi navat da 35–36 hradusaŭ».
Tolki ŭ niadzielu na zachadzie krainy stanie troški chaładniej: tam tempieratura nie vyjdzie za miežy 20–27 hradusaŭ. Ale na astatniaj terytoryi ŭ niadzielu budzie ad 28 u centralnych rajonach da 35 hradusaŭ na ŭschodzie. Pry hetym śpiakota miescami budzie supravadžacca karotkačasovymi daždžami i navalnicami. A ŭ čaćvier, 22 lipienia, jany projduć pa ŭsioj terytoryi krainy. U asobnych rajonach mahčymy mocnyja liŭni i škvalistyja ŭzmacnieńni vietru.
Zaŭvažna pachaładaje, vierahodna, na pačatku nastupnaha tydnia.
Ale bližej da kanca miesiaca znoŭ stanie na niekalki hradusaŭ ciaplej, kažuć sinoptyki.