Viasiołaja akcyja pačynałasia nieviesieła. Andrej Kim, zusim jak Jahajła 600 hadoŭ tamu, doŭha nie navažvaŭsia dać svajmu vojsku kamandu. Marazm: milicyja haniała moładź, jakaja arhanizavała boj paduškami ŭ honar jubileja Hrunvalda.
Andrej Kim patrabuje sustrečy z aficeram milicyi.
Zatrymlivali ŭsich, chto mieŭ pry sabie paduški.
Usiaho zatrymali kala 70 čałaviek. Na niekalkich aŭtobusach ich raźvieźli pa rodnych RUUSach.
Stamiŭsia machać paduškaj.
Milicyja pieraškadžała: kala 70 zatrymanych advieźli ŭ Pieršamajski RUUS Minska. Ich zabrali prosta za najaŭnaść paduški. Ale trysta «vajaroŭ» usio adno pabilisia la stancyi mietro «Uschod». Razahnała minski Hrunvald zaleva. Arhanizatara Andreja Kima zaŭtra buduć sudzić za arhanizacyju niesankcyjanavanaj akcyi.
Andrej Kim, zusim jak Jahajła 600 hadoŭ tamu, doŭha nie navažvaŭsia dać svajmu vojsku kamandu. Jon vioŭ jaho ad stancyi mietro «Uschod» uhłyb zialonaj zony. Stali na pahorku. Śledam išoŭ major milicyi ź miehafonam i paŭtaraŭ, što akcyja niesankcyjanavanaja. Kim pasprabavaŭ damovicca z majoram, ale toj usio paŭtaraŭ frazu pra niesankcyjanavanaść.
18.30 Milicyja viartaje ŭsich, chto idzie ŭ bok Nacyjanalnaj biblijateki. Moładź z paduškami zatrymlivajuć i pravažajuć u aŭtobusy.
Pierachoplivać moładź pačali ad
19.00 Dva aŭtobusa ŭžo źjechali. U treci aŭtobus zahruzili 42 čałavieki. Taksama milicyja vyjaŭlała cikavaść da žurnalistaŭ. Byli prainśpiektavanyja paśviedčańnie asoby i fotaaparaty Siarhieja Hryca, fatohrafa ahienctva Associated Press. Matyvacyja — u kahości ŭčora skrali fotaaparat «Kodak».
19.15 Kala uvachodu stancyi mietro “Uschod” sabrałosia la sotni čałaviek. Moładzievy aktyvist Andrej Kim ładzić konkursy, razdaje značyki z vyjavaj vieršnika z paduškaju. Śledam jon raspavioŭ prysutnym pra Hrunvaldskuju bitvu i pravioŭ histaryčnuju viktarynu. Milicyja nie čapała natoŭp moładzi la vychadu ź mietro. Tolki paviedamlała, što akcyja niesankcyjanavanaja. «My sami budziem vyznačać dzie i kali nam bicca paduškami», — reahavaŭ Kim. Paśla jon paprasiŭ moładź adyści ad mietro na zialonuju zonu i spytaŭsia ŭ prysutnych parady, što rabić. Niekalki sotniaŭ maładzionaŭ vyhuknuła: «Bicca!» Ale Kim ciahnuŭ, chacieŭ atrymać choć vusny dazvoł milicyi. Milicejskaje načalstva ŭnikała razmovaŭ z Kimam u prysutnaści žurnalistaŭ.
19.30 Jak stała viadoma, u Pieršamajski RUUS advieźli kala 70 zatrymanych. U ich brali adbitki palcaŭ, niekatorych adpuskali. Źjaviłasia infarmacyja, što zatrymanych adpuskajuć ź Pieršamajskaha RUUS. Paśla zaŭvahi supracoŭnikaŭ milicyi moładź adyšła ŭ bok na travu. Mnohija trymajuć u rukach paduški. Pravaachoŭnyja orhany praciahvajuć papiaredžvać ab supraćpraŭnych dziejańniach i zabaronie praviadzieńnia mierapryjemstva kala mietro.
Juryst Hary Pahaniajła adrazu prakamientavaŭ majoru situacyju: dva čałavieki z uzajemnaj zhody majuć prava bicca paduškami tam, dzie im zamaniecca. I milicyja niepravamocnaja razhaniać. Nul reakcyi z boku milicyi.
19.45 Moładź adyšła na 200 mietraŭ ad mietrapalitenu. Padciahnulisia ludzi ad biblijateki. Užo možna śmieła naličyć niekalki socień.
Ludzi čakali, skandavali «Bicca!», a ŭrešcie pačali boj sami: kałašmacili paduškami tych, chto stajaŭ bližej. Kim avałodaŭ situacyjaj i prapanavaŭ bicca «pryhoža», padzialiŭšysia na roŭnyja vojski — pa pryncypu
20.15 Udzielniki padzialilisia na dva vojski, vyniali paduški, i bitva pačałasia. Ahulnaja kolkaść «vajaroŭ» była — kala 300 čałaviek. Jašče kala sotni nazirała. Bitva išła chvilin dvaccać, paśla nalacieła zaleva. Mokryja ŭdzielniki padušačnaha Hrunvalda pabiehli da mietro. Tolki niekalki dziasiatkaŭ samych zaciatych dzialili pole. Adnak paśla daždžu padciahnulisia hledačy ŭ cyvilnym i pačali vyłoŭlivać z natoŭpu arhanizataraŭ. Zabrali i Andreja Kima.
22.00 Da ludziej, jakija sabralisia la Pieršamajskaha RAUSu, vyjšli milicyjanty i paviedamili, što Andreja Kima zaŭtra buduć sudzić za arhanizacyju niesankcyjanavanaha masavana mierapryjemstva. Taksama jany pieradali prośbu Kima znajści jamu advakata.
* * *
Nahadajem, 13 lipienia Minharvykankam admoviŭ zarehistravanaj MHA «Historyka» ŭ praviadzieńni mierapryjemstva, prymierkavanaha da
Ad staličnych uładaŭ pryjšoŭ steryatypny adkaz: «V śviazi s tiem, čto zajavlenije MOO „Historyka“ o proviedienii massovoho mieroprijatija nie sootvietstvujet triebovanijam časti 5 st. 5 Zakona „O massovych mieroprijatijach“, Minhorispołkom nie razriešajet proviedienije mieroprijatija v płoŝadkie riadom so zdanijem Nacionalnoj bibliotieki».
Pieršaja akcyja «Boj paduškami», prymierkavanaja
