Pra heta zajaviŭ pastajanny pradstaŭnik ZŠA pry ABSE Ijen Kieli, vystupajučy 13 lipienia pierad Pastajannym savietam arhanizacyi. Tekst vystupleńnia raźmieščany na sajcie misii ZŠA pry ABSIE.
Kieli adznačyŭ, što ZŠA zaniepakojenyja ciskam na apazycyju i niezaležnyja ŚMI ŭ Biełarusi. «Paśla niekatorych palapšeńniaŭ u kancy 2008 hoda my z škadavańniem adznačajem, što ŭ dalejšym adbyvałasia tolki bieśpierapynnaje parušeńnie normaŭ ABSIE», — skazaŭ jon.
Pa słovach Kieli, asablivuju zakłapočanaść vyklikaje napad 8 lipienia na aktyvista «Maładoj Biełarusi» Artura Fińkieviča paśla naviedvańnia im ambasady ZŠA; papiaredžańnie dvum žurnalistam radyjo «Svaboda» za pracu biez akredytacyi; zatrymańnie 9 lipienia ŭ Viciebsku apazycyjnaha aktyvista Siarhieja Kavalenki; dopyty žurnalista sajta charter97.org Natalli Radzinaj; da hetaha času nie admienieny artykuł 193 Kryminalnaha kodeksu, jaki praduhledžvaje kryminalnaje pakarańnie za dziejnaść ad imia niezarehistravanaj arhanizacyi.
«Hetyja vypadki — tolki nievialikaja častka tych šmatlikich faktaŭ, jakija śviedčać ab pavieličeńni cisku i zapałochvańni niezaležnych ŚMI i palityčnaj apazicyi ŭ Biełarusi, — skazaŭ Keli. — My praciahvajem zaklikać urad Biełarusi pierahledzieć svaje zakony ab ŚMI, svabodzie schodaŭ i asacyjacyj, ab palityčnych partyjach i ich realizacyju dla pryviadzieńnia ŭ adpaviednaść z abaviazalnictvami ŭ ramkach ABSIE. My hatovyja supracoŭničać ź Biełaruśsiu ŭ hetaj spravie».
