Ukraina i Biełaruś u asobach pieršaha vice-premjera Andreja Klujeva i pieršaha namieśnika premjera Uładzimira Siamaški padpisali ŭ paniadziełak u Kijevie pahadnieńnie pra zachady ŭ raźvićci supracy pa transpartavańni nafty praz Ukrainu ŭ Biełaruś. Pra heta paviedamili krynicy va ŭradach krainaŭ.
Pahadnieńnie paŭstała na asnovie damoŭlenaściaŭ prezidentaŭ Łukašenki i Janukoviča.
Vieniesuelskaja nafta budzie pastaŭlacca tankierami ŭ Adesu, a adtul — čyhunkaj da Mazyra. U 2010 hodzie maje być pastaŭlena 4 młn t. U 2011-m — 10 miljonaŭ. Ad 2011-ha moža pačacca vykarystańnie naftapravodu Adesa-Brody dla pampavańnia hetych abjomaŭ.
Čarhovaja sustreča vice-premjeraŭ zapłanavanaja na vierasień. Na jaje majuć być padrychtavanyja dadatkovyja pahadnieńni.
Kali prajekt udasca ažyćciavić, upieršyniu budzie dasiahnutaja dyviersifikacyja krynicaŭ pastavak enierhanośbitaŭ u Biełaruś. Da apošniaha času Biełaruś zastavałasia krainaj, jakaja tatalna zaležyć ad pastavak vuhlevadarodaŭ z Rasii.
0
0
0
0
0
0
