U Biełaruskaj asacyjacyi žurnalistaŭ prakamentavali toj fakt, što bolšaja častka nakładu niedziaržaŭnaha štotydniovika «Naša Niva» (№ 25) nie pastupiła ŭ šapiki. Numar pryjšoŭ tolki padpisčykam.
U hetym numary «Naša Niva» raspaviała pra padpisańnie Mytnaha sajuza na ŭmovach Rasii, film NTV «Chrosny baćka» i reakcyju na jaho biełaruskich uładaŭ.
Kamentujučy sytuacyju pres-słužbie, staršynia BAŽ Žanna Litvina zajaviła: «Naprykancy 2008 hodu, paśla viartańnia ŭ systemu raspaŭsiudu «Našaj Nivy» i «Narodnaj voli», byli spadziavańni, što nastupnym krokam moža stać źniaćcio blakady na raspaŭsiudžańnie astatnich niedziaržaŭnych vydańniaŭ. Ale, na žal, fakt źniknieńnia bolšaj častki nakładu «Našaj Nivy», što mieła pastupić u šapiki systemy «Sajuzdruk», jość sumnaj prykmietaj ažyćciaŭleńnia cenzury ŭ Biełarusi. Niahledziačy na toje, što havorka idzie pra dačynieńni dvuch subjektaŭ haspadarańnia, na jakija tak lubiać spasyłacca supracoŭniki system raspaŭsiudžvańnia.
Toje, što zaraz adbyvajecca, u čarhovy raz paćviardžaje, što viartańnie dźviuch hazet u systemy «Biełpošta» i «Sajuzdruk» było palityčnym rašeńniem. Jakoje, adnak, jašče nie harantuje, što hetyja vydańni buduć pazbaŭlenyja prablem z raspaŭsiudam».
