Ukraina hatovaja sadziejničać zbližeńniu Biełarusi i Jeŭrasajuza. Pra heta 9 lipienia na sustrečy ŭ Kijevie sa staršynioj Jeŭrapiejskaje Rady Chiermanam Van Rampiojem zajaviŭ ukrainski prezident Viktar Janukovič, paviedamlajuć ukrainskija ŚMI.
«Ukraina hatovaja vystupić u hetym pytańni svojeasablivym mostam»,- skazaŭ Janukovič. Pavodle jaho słoŭ, zbližeńnie Minska i Brusiela i «ŭmacavańnie jeŭrapiejskaha viektara ŭ źniešniaj palitycy Biełarusi, intehracyja biełaruskaj ekanomiki ŭ rynak ES adpaviadaje nacyjanalnym intaresam Ukrainy».
Janukovič miarkuje, što naładzić dyjałoh pamiž Biełaruśsiu i Jeŭropaj dapamoža piłotny prajekt, jaki prapanoŭvaje Ukraina pa raźvićci Kryma ŭ miežach inicyjatyvy ES «Uschodniaje partniorstva».
Varta zaznačyć, što 8–9 lipienia ŭ Minsku ź vizitam znachodzicca jeŭrakamisar pa pytańniach pašyreńnia i Jeŭrapiejskaj palityki dobrasusiedstva Štefan Fiule.
0
0
0
0
0
0
