Budaŭnictva pieršych dvuch haradoŭ‑spadarožnikaŭ Minsku pačniecca ŭ listapadzie biahučaha hoda. Pra heta siońnia paviedamiŭ staršynia Minharvykankama Mikałaj Ładućka na apieratyŭnaj naradzie ŭ meryi.
«My płanujem ŭ listapadzie pačać pracu pa dvuch terytoryjach haradoŭ‑spadarožnikaŭ. A ŭ nastupnaj piacihodcy — jašče pa dvuch haradach‑spadarožnikach», — skazaŭ Mikałaj Ładućka. U hetaj suviazi jon daručyŭ DVA «Minskbud» i administracyi Partyzanskaha rajona, jakija raspracoŭvali płany mierapryjemstvaŭ pa asvajeńniu terytoryj pieršych dvuch haradoŭ‑spadarožnikaŭ, na hetym tydni dać spravazdaču ab praviedzienaj u hetym napramku pracy.
Jak stała viadoma, prajektavańniem pieršaha horada‑spadarožnika ŭ Smalavičach zajmajecca hrodzienski prajektny instytut. A ŭzvodzić jaho budzie «Minskbud» — miarkujecca pabudavać kala 200 tys.kv.m žylla (damy vyšynioj ad 5 da 9 pavierchaŭ). Administracyja Partyzanskaha rajona kuryruje druhi prajekt: u rajonie Kurhana Słavy vyznačany ŭčastak ziamli ŭ 500 ha dla budaŭnictva pasiołka indyvidualnych žyłych damoŭ.
Budaŭnictva haradoŭ‑spadarožnikaŭ — heta kompleksny prajekt, jaki praduhledžvaje stvareńnie ŭsioj nieabchodnaj sacyjalnaj (škoła, dziciačyja sady, paliklinika) i inžynierna‑transpartnaj infrastruktury.
U ciapierašni čas terytoryja stalicy składaje prykładna 350 kv.km. Da 2030 hoda jana pavialičycca na 200 km ² da 550 kv.km. Dalej horad, zhodna z hienpłanam, terytaryjalna raźvivacca nie budzie. Na dumku architektaraŭ, kolkaść nasielnictva Mienska nie pavinna pieravysić 2 młn. čałaviek, a štohadovyja abjomy budaŭnictva žylla — nie bolš za 1,2 młn.kv.m. Tamu, uličvajučy vostruju žyllovuju prablemu, vyrašana finansavyja i budaŭničyja resursy nakiravać na asvajeńnie terytoryj, prylehłych da horada, — harady‑spadarožniki.
Pieršy ekśpierymientalny žyły rajon namiečana pabudavać u Smalavičach. Na jaho prykładzie pratestujuć, nakolki ŭ nasielnictva Minska budzie zapatrabavana takoje žyllo. Adnak ekśpierty śćviardžajuć, što miechanična minčukoŭ nielha prymusić pierajechać na miesca žycharstva ŭ pryharad. «Kali na prapanavanych terytoryjach ŭmovy nie buduć chacia b roŭnyja umovam stalicy, to ničoha z hetaj zadumy nie atrymajecca. Albo heta žyllo pavinna davacca na bolš ilhotnych umovach», — pierakanany staršynia kamiteta architektury i horadabudaŭnictva Minharvykankama, hałoŭny architektar stalicy Viktar Nikicin.
Haradami‑spadarožnikami Minska naraŭnie sa Smalavičami pretendujuć stać Zasłaŭje, Łahojsk, Dziaržynsk.
