Biełaruski ŭrad pavinien šukać novyja krynicy i maršruty pastavak enerhanośbitaŭ u krainu, chacia Biełaruś nia zmoža ŭ poŭnym abjomie admovicca ad rasiejskich enerharesursaŭ.
Pra heta zajaviŭ kiraŭnik Biełarusi Alaksandar Łukašenka na naradzie pa pytańniach dyversyfikacyi źniešnieekanamičnaj dziejnaści:
«Nijakaj vajny, heta našy tradycyjnyja rynki,
my kuplajem i budziem kuplać z Rasiei znerhanośbity, nichto nam 100‑pracentna ŭ hetym planie nie zamienić.
Nichto nie pavinien zychodzić z taho, što my pavinny pačać niejkuju ekanamičnuju vajnu z Rasiejaj. Heta naš daŭni, tradycyjny partner. Kali siońnia rasiejskaje kiraŭnictva zaniało takuju pazycyju, napeŭna, u jaho jość padstavy dla hetaha. I my krytykujem ich za heta, ale pavinny ŭvajści ŭ ich stanovišča. Tak, jak jany pavinny ŭvajści ŭ naša stanovišča, kali my budziem šukać alternatyvu hazu, nafcie, pa pytańniach, pa jakich nas sprabujuć vielmi mocna «nachilać».
Pavodle Alaksandra Łukašenki, treba «pacichu» pastavić u Biełaruś naftu ź »viadomych centraŭ» — 4 miljony ton sioleta i 10 miljonaŭ ton u nastupnym hodzie.
Ale «stavić pytańnie pra toje, što ŭ piku Rasiei, suprać Rasiei, — budzie pa‑durnomu, biestałkova i naohuł nia budzie zrazumieła i prymalna dla našaha hramadztva».
«Usio heta projdzie, ale my pavinny zychodzić z klasyčnaj formuły isnavańnia luboj dziaržavy: alternatyva i dyversyfikacyja stasunkaŭ. My nia možam zaležać ad adnoj dziaržavy, ad adnaho centru pastavak — chaj sabie enerhanośbitaŭ, syraviny ci kamplektujučych. My pavinny lacieć na dvuch kryłach. Ja vas papiaredžvaŭ, kab vy nie łunali ŭ abłokach, a pačynali žorstka adstojvać našy intaresy. Nikoli dziela chvilinnaj vyhady nielha zabyvacca pra stratehičnyja mety».
«Siońnia staić pytańnie pra nadziejnyja pastaŭki nafty z suśvietnych rynkaŭ i pa roznych maršrutach.
My ni ŭ jakim razie nie pavinny paŭtaryć pamyłku, jakaja była z Rasiejaj.
I pastaŭka nafty ź inšych rynkaŭ pa adnym maršrucie hetaksama niebiaśpiečnaja, jak ciapier — zaležnaść ad adnoj dziaržavy ŭ pastaŭkach vuhlevadarodnaj syraviny».
Kiraŭnik krainy paviedamiŭ, što ciapier prapracoŭvajecca niekalki kirunkaŭ pa nafcie i pa hazie.
Pavodle Alaksandra Łukašenki, litoŭski premjer Kubilus paćvierdziŭ, što «Hazprom» «pradaje nam haz daražej za jaho siońniašni košt u Eŭropie».