Kali słancavy haz atrymajecca daražejšym za pryrodny haz z Rasii, to zdabyvać jaho nie varta, miarkuje akademik. Hieołah, akademik Nacyjanalnaj akademii navuk Radzim Harecki raspavioŭ nn.by pra svajo bačańnie pierśpiektyvaŭ vykarystańnia słancavaha hazu ŭ Biełarusi.
«Naša Niva»: Dyk ci jość słancavy haz u Biełarusi?
Radzim Harecki: Zvyčajna sa słancaŭ zdabyvajuć haz, tolki heta inšy haz, zvyčajny. Heta daŭno viadoma. Ź jaho robiać i haz, i naftu. U vajnu navat niemcy tak rabili. Ale heta zusim nie toje, što siońnia zaviecca słancavym hazam. Nie toje, što pačali rabić amierykancy pa novych technałohijach.
Mnoha hazu nam atrymać nie ŭdasca, ale, kali zadacca metaj, možna znajści choć štości.
«NN»: Polskija navukoŭcy skłali kartu radoviščaŭ słancavaha hazu. Znajšli jaho i ukraincy ŭ rajonie Karpataŭ. Vychodzić, jon pavinien być i na Brestčynie.
RH: Heta nie zusim Karpaty, a Prykarpaćcie, karpacki prahin. Tam haz, mahčyma, i budzie, ale ci znojduć jaho ŭ nas — pahladzim. U saviecki čas ładzilisia padobnyja daśledavańni, ale jany nie dali kankretnych ličbaŭ, tolki prybliznyja rajony raźmiaščeńnia.
«NN»: Vy, napeŭna, čuli, što ŭ čas zvarotu da parłamienta Łukašenka zapatrabavaŭ šukać u krainie słancavy haz. Ci źviartalisia pradstaŭniki profilnych ministerstvaŭ ci Administracyi prezidenta ŭ Akademiju navuk pa dapamohu?
RH: Źviartalisia, ale ź inšym pytańniem — jak apracoŭvać słancy. U vyniku
byŭ padrychtavany šerah prapanovaŭ, jakija buduć razhladacca hienieralnaj kamisijaj pa minieralnych resursach na čale ź Siarhiejem Sidorskim. Budzie vyrašacca, što ŭvohule rabić sa słancami.Biezumoŭna, heta bahaćcie, ale ci zdabyvać jaho? Treba praličyć — vyhadna heta ci nie. Treba viedać zaležy, ich kolkaści, ekałahičnuju situacyju… Jak raspracavać, kudy padzieć adkidy. Ale hałoŭnaje — ekanamičnaja acenka. Moža, toj haz praściej kupić u Rasii za lubuju canu, čym u nas zdabyvać sa słancaŭ.
«NN»: A chto ŭ Biełarusi zajmajecca takimi daśledavańniami?
RH: Na žal,
ekanomika minieralnaj syraviny raźvitaja zusim słaba. Nichto hetym nie zajmajecca, niama ekśpiertaŭ. Niama śpiecyjalistaŭ i pa hornaj spravie — raspracoŭcy, zdabyčy minieralnych resursaŭ.Hieałohija jość, ale nie hieołahi hetym pavinny zajmacca! Jany mohuć raźličyć zapasy, ich hłybiniu, mahutnaść, karysnyja jakaści. A voś jak zdabyć, jak uzbahacić, kolki heta kaštuje — pytańnie zastajecca adkrytym.
