Zvyšnapružanym atrymaŭsia matč hrupy F pamiž Słavakijaj i Italijaj. Uvohule, u hetaj hrupie pierad apošnim turam stvaryłasia zabłytanaja situacyja, kali lubaja z zbornych u vypadku pieramohi mahła praciahnuć baraćbu ŭ płej‑of. Dla hetaha treba było prosta atrymać pieramohu.
Pieršy tajm sustrečy Italija — Słavakija vydaŭsia nie samym jarkim. Adzinym halavym udaram adznačyŭsia Vitek. Italjancy ž uvohule napieradzie nie stvaryli ničoha putnaha. Miač u bramu Jana Muchi moh trapić tolki adnojčy, dy i toje paśla abrezki svajho ž abaroncy.
Pačatak druhoha tajmu taksama nie vyłučaŭsia asablivaj aktyŭnaściu. Tolki adnojčy Škretł vynies miač z pustych varot paśla ŭdaru italjanskaha hulca.
Zatoje jaki futboł pačaŭsia paśla druhoha słavackaha miača! Italjancam užo nie było čaho hublać, tamu jany družna rynulisia ŭ ataku. Pry hetym ahalili ŭłasnyja tyły.
Na 81‑aj chvilin Dzi Natale dobra zhulaŭ na adskoku, i razmačyŭ słavackaha bramnika. Apienincy zabili jašče raz, ale sudździa admianiŭ hoł praz afsajd.
Zdavałasia jašče kryšačku i dziejsnyja čempijony śvietu taki zmohuć adyhracca. Ale Kapuniek, jaki za imhnieńnie da hetaha źjaviŭsia na poli cudoŭna vykarystaŭ pieradaču z aŭtu.
Ale i tut italjancy nie skłali ruk. Užo ŭ dadatkovy čas u Kvaljareły atrymaŭsia cudoŭny ŭdar — 3:2. Na hetym dasiahnieńni kamandy Marčeła Lipi abmiežavalisia.
Čempijony śvietu jeduć dadomu, a voś słavackaja zbornaja zhulaje ŭ 1/8 finału.
U druhim matčy hrupy Parahvaj i Novaja Ziełandyja razyhrali nulavuju ničyju. Stanovišča ŭ hrupie vyhladaje nastupnym čynam: Parahvaj — 5 punktaŭ, Słavakija — 4, Novaja Ziełandyja — 3, Italija — 2.
A 21:30 projduć matčy Hałandyja — Kamierun, Danija — Japonija. U druhim matčy vyrašycca los jašče adnaho miesca ŭ płej‑of. Hałandcy ž užo zabraniravali jaho sabie.
