Pra heta na pres‑kanfierencyi 24 červienia paviedamiła načalnik upraŭleńnia abarony pravoŭ spažyŭcoŭ i kantrolu za rekłamaj Ministerstva handlu Iryna Baryšnikava.
Jana nahadała, što, zhodna z zakanadaŭstvam, interniet‑mahaziny pavinny zarehistravacca ŭ Handlovym rejestry da 1 lipienia. Usiaho ŭ Biełarusi, pavodle infarmacyi Minhandlu, pracujuć bolš jak 3 tysiačy mahazinaŭ.
Pavodle słoŭ Baryšnikavaj, »zarehistravacca nie składaje vialikich ciažkaściej, heta robicca pa zajaŭnym sposabie i pravodzicca biaspłatna». Uładalnik mahazina pa zaćvierdžanaj formie padaje zajavu sa svaimi źviestkami ŭ miascovy vykanaŭčy orhan, jaki na praciahu dvuch dzion rehistruje jaho ŭ rejestry, dadała jana.
Śpiecyjalist papiaredziła: handal paśla 1 lipienia mahazinami, nie zarehistravanymi ŭ rejestry, budzie źjaŭlajecca hrubym parušeńniem licenzijnaj dziejnaści.
Jak patłumačyła Baryšnikava, takoje rašeńnie było pryniata ŭ metach abarony pravoŭ spažyŭcoŭ i ŭparadkavańnia dziejnaści interniet‑mahazinaŭ. Siarod pryčyn, pa jakich mahazinam moža być admoŭlena ŭ rehistracyi, jana nazvała nastupnyja: padavańnie niepraŭdzivaj abo padmannaj infarmacyi; realizacyja tavaraŭ, handal jakimi praź interniet zabaronieny; sproba zarehistravać abjekt handlu, jakomu raniej, mienš jak 12 miesiacaŭ tamu, było admoŭlena ŭ rehistracyi.
