Adna z pastanovak Tbiliskaha teatru opiery i baleta.
5 lipienia na scenie Minskaj opiery my zmožam pabačyć znakamity hruzinski balet pad kiraŭnictvam vybitnaj dziajački baletnaha mastactva, byłoj baleryny Niny Ananijašvili. U Minsku hruziny prezientujuć 3 adnaaktavych balety: «Sierenadu» Čajkoŭskaha, «Šeść tancaŭ» Mocarta, i «Sahałabieli» pavodle hruzinskaj narodnaj muzyki.
Tbiliski dziaržaŭny teatr opiery i baleta imia Palijašvili — adzin z najstarejšych u śviecie. Jon zasnavany ŭ 1853 h. i jaho pryhadvaje ŭ svaich uspaminach navat Alaksandr Dziuma-starejšy. Teatr paŭstaŭ šmat u čym dziakujučy kulturnickim i niezaležnickim pamknieńniam hruzinaŭ u składzie Rasijskaj impieryi.
Pieršyja hady dziejnaści teatra aktoraŭ zaprašali ź Italii, potym pryjšli hruzinskija i rasijskija vykanaŭcy. Akramia Šalapina tut śpiavali Andžaparydze, Burčuładze, Satkiłava i Lemiašaŭ. Na scenie Tbiliskaha teatru pačali tančyć Čabukijani, Cyskarydze i Ananijašvili, a ŭ roznyja časy dyryžorami ŭ hetym teatry byli Mielik-Pašajeŭ i Mikieładze.
Siońnia mastackim kiraŭnikom baletu Tbiliskaha teatru źjaŭlajecca zorka suśvietnaha baletu i byłaja salistka Balšoha Teatru Nina Ananijašvili.
Nahadajem, zusim niadaŭna ŭ Biełarusi pry poŭnym anšłahu prajšli hastroli suśvietnaviadomaha ansambla hruzinskaha tanca «Suchišvili».