Biełaruś raźličyłasia z AAT «Hazprom» u poŭnym abjomie za spažyty ŭ mai pryrodny haz, zajaŭlajuć u Ministerstvie enierhietyki Biełarusi.

«Nie čakajučy pieraličeńnia hrašovych srodkaŭ ad «Hazproma» za ažyćcioŭleny ŭ mai hetaha hoda tranzit rasijskaha pryrodnaha hazu pa biełaruskaj hazatranspartnaj sistemie i hazapravodzie «Jamał — Jeŭropa» ŭ krainy Jeŭropy, u poŭnym abjomie praviedzieny raźlik za spažyty Biełaruśsiu ŭ mai pryrodny haz», — paviedamiła dziaržaŭnamu ahienctvu BiełTA pres‑sakratar Minenierha Biełarusi Ludmiła Ziańkovič.

Napiaredadni, 21 červienia, aficyjny pradstaŭnik «Hazproma» Siarhiej Kupryjanaŭ zajaviŭ: «My čakajem ad biełaruskaha boku najchutčejšaha rašeńnia pa pahašeńni zapazyčanaści i vykanańnia abaviazacielstvaŭ pa tranzicie. My čakajem, što pastaŭki pa tranzicie buduć ažyćciaŭlacca ŭ poŭnym abjomie».

Jon padkreśliŭ, što nastupny płaciež — za majskija pastaŭki — «Biełtranshaz» pavinien ažyćciavić praz dva dni. I kali Biełaruś pa‑raniejšamu budzie płacić za haz pa letašniaj canie (150 dalaraŭ za tysiaču kubamietraŭ zamiest kantraktnaj cany ŭ 169 dalaraŭ), doŭh jašče ŭzraście, zaznačyŭ Kupryjanaŭ.

Pradstaŭnik «Hazproma» zajaviŭ, što zapazyčanaść Biełarusi, pavodle apošnich źviestak, składaje 192 miljony dalaraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?