Zamały? Dy nie moža takoha być!
Na peŭnym etapie žyćcia, jak praviła ŭ junactvie, ładnuju častku mužčyn naviedvaje strach, što ich połavy orhan niedastatkova ŭražvaje pamierami. U pieravažnaj bolšaści takija strachi minajuć, ale ž u niekatorych hetaja niezadavolenaść habarytami zastajecca. Dalej — horš: dakučlivyja dumki pra pamiery mohuć pryvieści da vytvornych prablemaŭ: niaŭpeŭnienaści ŭ sabie.
Mužčynskaje spabornictva ŭ žyćci — niepazabiežnaje. Tak, bolšaść zvažaje: chto bahaciejšy, chto spraŭniejšy, chto razumniejšy, ale taksama: chto bolšy rostam, u kaho lepšy skład cieła, u kaho huściejšyja vałasy i, narešcie, u kaho daŭžejšy čeles. Hetkaje zmahańnie ź inšymi mužčynami pryvodzić da taho, što vy zabyvajeciesia pra svaje plusy — hienietyčnyja darunki ad dziadoŭ i ŭłasnyja dasiahnieńni. Što ŭ vyniku? Zamiest taho kab pačucca pryvabnymi i vartymi ludźmi, mužčyny zajmajucca samakapańniem.
Peŭnaja kolkaść mužčyn vieryć, što ich čeles karaciejšy za siaredniestatystyčny i tamu pakutujuć na sindrom zamałoha čelesa. Stan paharšajecca, kali mužčyna, nahladzieŭšysia parnahrafičnych filmaŭ, dzie daŭžynia čelesa — čaściakom adzinaje, čym jość hanarycca aktoram, robiać adpaviednyja pamyłkovyja vysnovy.
Mužčyna naradžajecca z peŭnymi hienietyčnymi dadzienymi, siarod jakich taksama pamier čelesa, jaki raźvivajecca ŭvyški i ŭšyrki najbolš pamiž 10 i 16 hadami. Akramia «stryžnia», rastuć taksama jadry, vałasy na łabku.
Na pačatku pierachodnaha vieku čeles moža być pamieram mienšym, potym — bolšym. Tamu padletkam varta, pa-pieršaje, nie ŭhaniać siabie ŭ paniku. Pa-druhoje, kab viedać kančatkovy pamier, pačakać hod-druhi paśla taho, jak orhan pierastaŭ kančatkova raści.
I jašče: mužčyn možna padzialić na dźvie katehoryi. U pieršych čeles u stojenym stanie — nievialički, pry hetym jon u sutnaści svajoj ełastyčny. U ich pry erekcyi «stryžań» značna pavialičvajecca ŭ pamierach. Darečy, mienavita mužčyny takoj kanstytucyi ličylisia ideałam charastva ŭ staradaŭnich hrekaŭ.U druhoj hrupie čeles u raźniavolenym stanie dosyć daŭhi, ale pry erekcyi bolš asabliva nie padaŭžajecca, adno robicca napiatym. Tak što, mužčyny ź pieršaj hrupy, nie raŭniajciesia na druhuju hrupu!
Što da žančynaŭ, to na asałodu, jakuju jany atrymlivajuć, daŭžynia ci taŭščynia mužčynskaj pryłady, amal nie ŭpłyvaje.
P.S. Raźviadziem u roznyja kuty sindrom zamałoha čelesa i sindrom mikrafałasa. Mikrafałas — prafiesijnaje vyznačeńnie dla orhana, čyja daŭžynia 2 sm, kali jon mlavy, i da 6 sm, kali nastrunieny. Statystyka niaŭmolna kaža, što adno 0,6 adsotkaŭ pakutuje na hety sindrom, i toj sindrom dyjahnastujuć, jak praviła, užo pry naradžeńni.
