Cana hazu dla Biełarusi ŭ trecim kvartale hetaha hoda składzie 193‑194 dalary za tysiaču kuboŭ suprać 185 dalaraŭ u druhim kvartale,
paviedamiŭ žurnalistam aficyjny pradstaŭnik AAT «Hazprom» Siarhiej Kupryjanaŭ.
«U trecim kvartale cana budzie 193‑194 dalary», — cytuje Kupryjanava RIA Novosti.
Nahadajem, u pieršym kvartale siaredniaja cana na haz dla Biełarusi składała 169 dalaraŭ za tysiaču kubamietraŭ, u druhim — 185 dalaraŭ. Takim čynam, z pačatku hoda cana na haz vyraście na 25 dalaraŭ, abo na 14,8%.
Razam z tym Biełaruś, pavodle danych «Hazproma», apłačvała pastaŭki hazu pa letašniaj canie — 150 dalaraŭ. U vyniku ŭtvaryłasia zapazyčanaść, jakaja na 1 maja skłała 192 młn. dalaraŭ.
21 červienia «Hazprom» uvioŭ abmiežavańni na pastaŭku hazu ŭ Biełaruś «na 15% ad abjomaŭ płanavaj pasutačnaj pastaŭki hazu z pastupovym vychadam na ŭzrovień abmiežavańnia da 85% praparcyjanalna zapazyčanaści». Rasijski hazavy chołdynh patrabuje ad Minska pahasić zapazyčanaść u pamiery 192 młn. dalaraŭ .
U svaju čarhu, u Minsku zajaŭlajuć, što «Hazprom» zavinavaciŭ Biełarusi bolš čym 200 młn. dalaraŭ za tranzit hazu pa biełaruskaj terytoryi.
