Zbornaja Ispanii pieramahła zbornuju Handurasa ŭ apošnim matčy 2-ha turu na čempijanacie śvietu pa futbole ź likam 2:0. Dublem vyznačyŭsia David Vilja (17-ja i 51-ja). A jon jašče i mieŭ mahčymaść zrabić chiet-tryk, kali b realizavaŭ pienalci.
Siońnia taksama zbornaja Čyli pieramahła tvorcu adnoj z hałoŭnych siensacyj 1 turu, zbornuju Šviejcaryi – 1:0 (Hansales, 75-ja).
Takim čynam paśla 2-ch turaŭ:. Čyli – 6 (bałans miačoŭ 2—0, Šviejcaryja – 3 (bałans miačoŭ -1—1), Ispanija – 3 (bałans miačoŭ: 2—1), Handuras – 0 (bałans miačoŭ: 0—3).
Tut u 3-m tury ŭ piatnicu sustrakajucca: Ispanija – Čyli, Šviejcaryja – Handuras.
U aŭtorak na čempijanacie śvietu startuje treci tur. Ciapier štodnia – da piatnicy – buduć prachodzić pa čatyry matčy:
h.zn. pa dva ŭ kožnaj hrupie, jakija buduć pačynacca ŭ adzin čas.
Hulni buduć adnačasova pakazvać BT i Ład.
I tak da piatnicy, kali vyznačacca ŭsie ŭdzielniki 1/8 finału, a ŭ subotu – užo plej-of.
***
U aŭtorak, 22 červienia, projduć matčy ŭ hrupach «A» i «B». A 17-j zhulajuć zbornyja Uruhvaja i Mieksiki, PAR – Francyja.
Stanovišča ŭ hetaj hrupie paśla 2-ch turaŭ nastupnaje:
Uruhvaj, Mieksika – 4, PAR, Francyja – 1.
Kab supolna vyjści ŭ 1/8 finału zbornym Uruhvaja i Mieksiki dastatkova raśpisać ničyju. Ale ŭ takim vypadku kamanda, što zojmie ŭ hrupie 2-je miesca, u 1/8 zhulaje, chutčej za ŭsio, sa zbornaj Arhienciny.
U aŭtorak, 22 červienia, skončycca hrupavy turnir u hrupie «V»
U 21:30 hulajuć Arhiencina – Hrecyja, Kareja – Nihieryja.
Paśla 2-ch turaŭ: Arhiencina – 6, Kareja, Hrecyja – 3, Nihieryja – 0.
***
Paśla adnosna prystojnaj parazy ad brazilcaŭ (1:2) kiraŭnictva KNDR dazvoliła tranślacyju matča z Partuhalijaj u žyvym efiry. Napeŭna, pra heta rašeńnie potym nieadnarazova paškadavali.
U pačatku matča karejcy navat sprabavali atakavać. Ale na 29‑aj chvilinie Miejreleš adkryŭ lik.
A voś u druhim tajmie ŭ varoty biednaha Ry Mien Huka zalatała ŭsio što lacieła. Partuhalcy rasstroili futbalistaŭ KNDR až siem razoŭ. Ciahu adznačyŭsia dublem, jašče pa razu zabili Miejreleš, Simau, Leidsan, Uhu Ałmiejda, Kryštyjanu Ranałdu.
Partuhalcam treba było zabivać čym bolej, bo dla vychadu z hrupy, chutčej za ŭsio, budzie ŭličvacca roznaść zabitych i prapuščanych miačoŭ.
U Pchieńjanie futbalistaŭ svajoj zbornaj paśla takoha projhryšu pa hałoŭcy jaŭna nie pahładziać. Adziny raz na čempijanacie śvietu KNDR udzielničała ŭ 1966 hodzie.
Tady ŭ čverćfinale Kareja prajhrała mienavita Partuhalii. Toj projhryš kaštavaŭ mnohim futbalistam nacyjanalnaj zbornaj voli.
