Piacirazovyja čempijony śvietu viali ŭ liku 3:0 (Łuis Fabianu, 25, 50, Ełanu, 62), ale ivuaryjcam udałosia zabić hoł prestyžu (Drahba, 79).
Kancoŭka matču zapomniłasia lohkimi rukapašnymi bojkami i vydaleńniem z pola Kaka.
Brazilija - 6 (2 hulni), Partuhalija - 1 (1 hulnia), Kot dJIvuar - 1 (2 hulni), KNDR - 0 (1).
Brazilcy vyjšli ŭ 1/8 finału.
U paniadziełak na čempijanacie śvietu ŭ hrupie «G» budzie zhulany matč Partuhalija – KNDR (14:30, Ład).
Skončycca II tur matčami ŭ hrupie «H»: Čyli – Šviejcaryja (17:00), Ispanija – Handuras (21:30).
Nahadajem, što ŭ pieršym tury Šviejcaryja pieramahła Ispaniju, a Čyli – Handuras (abodva matčy skončylisia ź likam 1:0).
***
U aŭtorak startuje apošni treci tur. Štodnia buduć ciapier čatyry matčy, pryčym hulni ŭ adnoj hrupie buduć pačynacca ŭ adzin čas: ci ŭ 17:00 ci ŭ 21:30.
Paabiedziennych matčaŭ u 14:30 užo nie budzie!
Hrupavy turnir skončycca ŭ piatnicu, a ad nastupnaj suboty – plej-of.
***
Zbornaja Novaj Ziełandyi stała tvorcam čarhovaj siensacyi čempijanatu śvietu pa futbole, zhulaŭšy ŭničyju ź dziejnymi čempijonami zbornaj Italii – 1:1.
Pryčym «kivi» pieršymi paviali ŭ liku, na 7-j chvilinie – i takoj biady, što z afsajdu – zabiŭ Šejn Šmiełc.
Na 29-j Vičenca Jakvinta ź pienalci lik zraŭniaŭ.
A potym novaziełandcy mužna adbivalisia nastupnyja 60 chvilin matču. I adbilisia!
A za try chviliny da kanca sustrečy naśpiavajučaja siensacyja ledź nie patroiłasia. Paśla ŭdaru Vuda miač praskočyŭ u kolkich santymietrach ad štanhi. Takim čynam ničyja novaziełandcaŭ z čempijonami śvietu – pakul ci nie hałoŭnaja siensacyja čempijanatu.
Siońnia ŭ hetaj ža hrupie zbornaja Parahvaja vyjhrała ŭ Słavakii – 2:0 (Viera, 27, Ryvieras, 86).
Paśla 2-ch turaŭ: Parahvaj – 4, Italija, Novaja Ziełandyja – 2, Słavakija – 1.
U apošnim tury ŭ čaćvier hulajuć Novaja Ziełandyja – Parahvaj, Italija – Słavakija. Pačatak abodvuch matčaŭ a 17-j.
A siońnia, u 21:30, Brazilija – Kot dJIvuar.
