Prablema niepłaciažoŭ za pastaŭki rasijskaha hazu ŭ Biełaruś moža nabyć chraničny charaktar, zajaviŭ staršynia praŭleńnia AAT «Hazprom» Alaksiej Miler, paviedamlaje RIA Novosti.
«Moža być, Biełaruś i znojdzie mahčymaść pahasić doŭh. Moža być, navat za pastaŭki ŭ mai 23 červienia budzie zrobleny płaciež. Ale nas niepakoić toje, što pytańnie niepłaciažoŭ za pastaŭki rasijskaha hazu ŭ Biełaruś moža nabyć chraničny charaktar, i pryčyny mohuć być ekanamičnyja», — skazaŭ Miler.
21 červienia «Hazprom» moža skaracić na 85% pastaŭki hazu ŭ Biełaruś, kali jana nie vypłacić 192 młn. dołaraŭ doŭhu, jaki ŭtvaryŭsia ŭ vyniku taho, što Minsk płacić pa cenach 2009 hoda. Dvuchbakovyja pieramovy, što prajšli ŭ subotu, zaviaršylisia biezvynikova. «Hazprom» zajaviŭ ab najaŭnaści techničnych mahčymaściej pastaŭlać haz jeŭrapiejskim spažyŭcam u abychod Biełarusi.
Biełaruski bok ličyć, što «Hazprom» vinien bolš za 200 młn. dołaraŭ za tranzit, adnak, pavodle zajavy Maskvy, nie pradstaviŭ adpaviednych dakumientaŭ.
0
0
0
0
0
0
