Pazačarhovyja prezidenckija vybary prachodziać 20 červienia ŭ Polščy. Jany byli pryznačany paśla hibieli Lecha Kačyńskaha ŭ avijakatastrofie pad Smalenskam 10 krasavika.
Vybarčyja ŭčastki, jakich naličvajecca kala 26 tys., pracujuć z 6 da 20 hadzin pa miascovym časie (z 7 da 21 pa biełaruskim). Prava hołasu majuć prykładna 31 młn. palakaŭ. Na zamiežnych vybarčych učastkach zarehistravana 185 tys. vybarščykaŭ.
U Biełarusi vybarčyja ŭčastki adkryty z 6 da 20 hadzin u Minsku (pasolstva), Hrodnie i Breście (hienieralnyja konsulstvy).
Na pasadu kiraŭnika dziaržavy pretendujuć 10 čałaviek.
Asnoŭnaja baraćba, jak čakajecca, razhorniecca pamiž58-hadovym śpikieram siejma, v.a. prezidenta Branisłavam Kamaroŭskim (partyja «Hramadzianskaja płatforma») i61-hadovym bratam-bliźniom zahinułaha prezidenta, lideram partyi «Prava i spraviadlivaść» Jarasłavam Kačyńskim. Pieršy ličycca prychilnikam dalejšaj jeŭraintehracyi, druhi — jeŭraskieptykam.
Kali nivodzin z kandydataŭ nie nabiare bolš za 50% hałasoŭ, 4 lipienia adbudziecca druhi tur.
0
0
0
0
0
0