Biełaruś hatovaja pradać svaje najvažniejšyja prybytkovyja pradpryjemstvy. U hetym palahaje sens losavyznačalnaj dla krainy naviny pra dazvoł na pryvatyzacyju «Biełaruśkaliju» i mahistralnych trubapravodaŭ, jakaja zhubiłasia siarod płojmy viestak pra asabistyja parachunki i mahčymyja raskoły ŭ i biez taho asłablenych partyjach.
Nieprazrystyja rašeńni datyčna peŭnych kavałkaŭ dziaržmajomaści ci ziamli — zvykłaja praktyka dla sučasnaj Biełarusi.
Siarod samych hučnych spravaŭ takoha kštałtu — ćmianaje pytańnie pra toje, kamuŭsio-tki naležyć parkinh na Niamizie, pieradača pa nadzvyčaj nievialikaj canie ziamli ŭ histaryčnym centry Miensku nieviadomym amanskim dabradziejam, biespłatnaja pieradača ziamli pasiarod Miensku dla pabudovy hatelu «Kiempinski».
Hetyja hiešefty aŭtamatyčna vyklikali b skandał u svabodnych krainach, ale ŭ Biełarusi jany byli prosta pryniatyja da viedama i apazycyjaj, i hramadztvam.
«Biełaruśkalij» — heta nie kavałak ziamli. Heta pradpryjemstva asablivaje. Jano ŭstojliva prynosić krainie vialikija hrošy i zabiaśpiečvaje Biełarusi treciaje miesca ŭ śviecie siarod vytvorcaŭ kalijnych uhnajeńniaŭ.
Viadoma,
pryvatyzacyja ličycca mnohimi zachodnimi ekspertami važnym składnikam pierachodnaha pracesu ŭ postkamunistyčnych hramadztvach dy naŭprost prasoŭvajecca MVF i Suśvietnym bankam, a admova ad jaje časam nazyvajecca ŭ jakaści pryčyny ŭstalavańnia ŭ Biełarusi ciapierašniaha režymu. Adnak, nakolki varta śpiašacca pradavać «Biełaruśkalij», kali takoha kštałtu nacyjanalnyja manapolii na zdabyču niekatorych karysnych vykapniaŭ isnujuć u šerahu krainaŭ śvietu, pieradusim na naftu i haz?
Pryvatyzacyja ŭ Rasiei pakazała, što va ŭmovach adsutnaści dziejsnaha
Rytaryčnym budzie pytańnie, ci siańnia ŭ Biełarusi isnujuć vyšejzhadanyja pieradumovy dla efektyŭnaj pryvatyzacyi.
Biełaruskaja kiroŭnaja elita dasiahnuła ciapier kansensusu nakont pryvatyzacyi, jakaja bačycca jak niepaźbiežnaść. Bačycca, jak srodak samavyratavańnia na vypadak, kali daviadziecca admovicca ad častki palityčnaj ułady i tym samym stracić častku kantrolu nad dziaržmajomaściu. Niebiaśpieka takoha padychodu — vidavočnaja, bo idziecca nie pra zapusk ekanomiki i prychod investycyjaŭ, a pra toje, što kali čymści (Biełaruśsiu) nielha budzie vałodać całkam, dyk možna prysabiečyć jaje pa kavałkach.Pry takim padychodzie častku pryvatyzoŭvanaj majomaści insajdery — ludzi, źviazanyja ź dziaržavaj — prybiaruć sabie da ruk, častka budzie spradadzienaja zamiežnikam na nie da kanca zrazumiełych umovach, a rešta budzie skarystanaja dla padaŭžeńnia žyćcia ciapierašniaha
Varta adciemić, što apazycyja prymaje pryvatyzacyju za naležnaje i nie sprabuje pryciahnuć da jaje ŭvahu hramadzkaści. Aproč ekanamista Siarhieja Čałaha, nichto i nie analizavaŭ tołkam toj ža amanski hiešeft.
Miž tym mienavita
takija hiešefty dy ŭsio bolšaja zamiežnaja zapazyčanaść krainy pieradvyznačać budučaje Biełarusi niezaležna ad taho, jaki prezydent i ŭrad pryjdzie da ułady paśla Łukašenki. Bo pracavać jamu daviadziecca va ŭmovach vialikaj zapazyčanaści, niemadernizavanaj ekanomiki dy ŭžo praviedzienaj «pryvatyzacyi».Hrošaj na reformy nia budzie, i ŭziać ich taksama nia budzie adkul.
Viercham naiŭnaści budzie spadziavacca, što novy demakratyčny i nacyjanalistyčny ŭrad zmoža admovicca płacić pa rachunkach Łukašenki ci zdoleje pierahledzieć vyniki «pryvatyzacyi» — kapitalizm takich pavodzinaŭ nie tryvaje.
Hramadztva i apazycyja abaviazanyja zreahavać na novuju palityku režymu.
