Pra heta paviedamlaje Respublikanski centr hihijeny, epidemijałohii i hramadskaha zdaroŭja.
Pa stanie na 16 červienia vyniesieny pastanovy ab zabaronie kupańnia ŭ Bresckaj vobłaści ŭ zonie adpačynku voziera Katera Kamianieckaha rajona i na plažy raki Lasnaja ŭ Kamiancy. U Viciebskaj vobłaści niepryhodnyja dla kupańnia vadajomy ŭ zonie adpačynku azior Janava, Ščaty, Homiel, Suja ŭ Połackim rajonie. Pryčyna — nieadpaviednaść adabranych prob vady pa mikrabijałahičnych pakazčykach.
Z hetaj pryčyny ŭ Homielskaj vobłaści zabaroniena kupańnie ŭ zonie adpačynku ŭ haradskim parku «Pieramoha» Kalinkavič.
Z‑za adsutnaści adpaviednaha ŭładkavańnia plaža sansłužba zabaraniła kupańnie ŭ zonie adpačynku vadajoma ŭ nasielenych punktach Kašalova, Kamunar, Duravičy, Kryŭsk, Čyrvony Ściah, Patapaŭka Buda‑Kašaloŭskaha rajona Homielskaj vobłaści.
Sansłužba paviedamlaje, što pry vyznačeńni pryhodnaści vadajomaŭ dla kupańnia aceńvajecca vykanańnie narmatyva ŭtrymańnia ŭ vadzie vadajomaŭ bakteryj hrupy kišačnaj pałački, utrymańnie ŭzbudžalnikaŭ zachvorvańniaŭ, žyćciazdolnych jajek hielmintaŭ.
Na pavierchni vadajoma nie pavinny vyjaŭlacca plonki, plamy minieralnych masieł i źbirańnie inšych damieškaŭ, a vada nie pavinna mieć nieŭłaścivyja joj pachi.
Sansłužba adznačaje, što ŭ letnija miesiacy čaściej za ŭsio paharšajecca bakteryjałahičnaja jakaść vady ŭ vadajomach, što źviazana jak ź intensiŭnym razmnažeńniem mikravodaraściej, tak i z masavym kupańniem nasielnictva. Asnoŭnaj pryčynaj zabarony vykarystańnia vadajomaŭ dla kulturna‑bytavych metaŭ źjaŭlajecca pieravyšeńnie dapuščalnaha ŭtrymańnia łaktozastanoŭčych kišačnych pałačak u vadzie, jakija mohuć vyklikać kišačnyja rasstrojstvy pry vypadkovym zahłynańni vady.
U kupalny siezon kratnaść bakteryjałahičnaha daśledavańnia vady z vadajomaŭ u miescach masavaha adpačynku pavialičvajecca ŭ siarednim da adnaho razu na tydzień. Pry atrymańni dvuch paśladoŭnych niezdavalnialnych pa bakteryjałahičnych pakazčykach vynikaŭ analizaŭ vady z adnaho punktu adboru sansłužba zabaraniaje vykarystańnie vadajoma ŭ kulturna‑bytavych metach, a pry atrymańni dvuch paśladoŭnych zdavalnialnych — dazvalaje.