«Novy čas» źmiaściŭ infarmacyju pra pieradačy spadarožnikavaha kanału Biełsat.
Ministerstva handlu paličyła heta reklamaj. Raspaviadaje hałoŭny redaktar «Novaha času» Alaksiej Karol:
«Składzieny pratakoł — ja jaho ŭžo atrymaŭ, i sprava ŭžo pieradadzienaja ŭ sud. Čakajem pozvu z sudu. Heta administracyjnaja sprava. My nie pahadzilisia, što heta reklama. Heta infarmacyja, jakaja zroblenaja na biazvypłatnaj asnovie. Kankretna ŭ čym jany nas abvinavačvajuć — heta toje, što reklama pavinna ŭtrymlivać numar licenzii, adras reklamadaŭcy, a hetaha ŭ nas niama. My dali tłumačeńni, što heta nie reklama, a heta abmien infarmacyjaj, i hrošy za heta nichto nie atrymoŭvaŭ. My prainfarmavali, jany kali‑nikali infarmujuć, pra što piša «Novy čas». I voś spravu buduć razhladać ciapier u sudzie».
Hazecie «Novy čas» pahražaje štraf ad 20 da 50 bazavych vieličyniaŭ.
Litaralna tydzień tamu tydniovik «Novy čas» atrymaŭ papiaredžańnie ad Ministerstva infarmacyi.
Hazetu vinavaciać u tym, što ŭ vychodnych dadzienych nie paznačanyja imia pa baćku hałoŭnaha redaktara, štrychavy identyfikacyjny kod, a taksama nie nazvany respublikanski orhan dziaržaŭnaha kiravańnia ŭ sfery masavaj infarmacyi.
A ŭ Horadni buduć sudzić hramadzkaha raspaŭsiudnika, u čyjoj mašynie znajšli pačak hazet «Novy čas». U pratakole milicyjanty zapisali, što heta «sproba raspaŭsiudu».
