U Biełarusi ŭ bližejšy čas budzie stvorany kansultatyŭnaja rada pa pytańniach raźvićcia infarmacyjnych technałohij.
Ab hetym paviedamiŭ 17 červienia načalnik Apieratyŭna‑analityčnaha centra pry Prezidencie Biełarusi Valeryj Vakulčyk na sustrečy z pradstaŭnikami «Bielinfakam».
U kansultatyŭnuju radu ŭvojduć pradstaŭniki jak rehulujučych orhanaŭ, tak i apierataraŭ suviazi. Rada budzie razhladać pytańni, źviazanyja z raźvićciom u krainie infarmacyjnych technałohij, nacyjanalnaha siehmienta sietki Internet i inš. Płanujecca, što stvareńnie novaj struktury daść mahčymaść dziaržaŭnym orhanam i pryvatnym arhanizacyjam abjadnać svaje namahańni dla vyrašeńnia składanych zadač.
Kansultatyŭnaja rada budzie stvorany Apieratyŭna‑analityčnym centram (AAC) pry Prezidencie Biełarusi. Zhodna z ukazam numar 60 AAC źjaŭlajecca śpiecyjalna ŭpaŭnavažanym dziaržaŭnym orhanam u śfiery biaśpieki vykarystańnia nacyjanalnaha siehmienta sietki Interniet. Jon nadzieleny pravam vyznačać pa ŭzhadnieńniu z prezidentam pieralik apierataraŭ elektrasuviazi, jakija majuć prava na propusk mižnarodnaha trafiku i dałučeńnie da sietak elektrasuviazi zamiežnych dziaržaŭ.
