Pra heta paviedamiŭ hienieralny dyrektar «Minskaj haradskoj žyllovaj haspadarki» Uładzimir Rejentovič na pres‑kanfierencyi ŭ Minharvykankamie.
«My vyjšli ź inicyjatyvaj vyłučyć učastak dla taho, kab była mahčymaść pachavańnia žyvioł na płatnaj asnovie. Praduhledžvajecca vykanańnie ŭsich rytualnych pasłuh, u tym liku i vyrab viankoŭ», — skazaŭ Rejentovič.
Mohiłki raźmieściacca za miežami MKAD.
Zaraz prapracoŭvajecca pytańnie vykanańnia kremacyi.
U praciah temy servisu dla svojskaj žyvioły jon paviedamiŭ, što ŭ červieni ŭ Minsku pačniecca budaŭnictva haścinicy.
«Užo zaklučany kantrakt na vykanańnie rabot. U červieni hienpadradčyk — pradpryjemstva «Minskrembud»prystupić da ŭładkavańni placoŭki dla haścinicy. Budaŭnictva abjekta dla žyvioł praciahniecca kala dvuch hadoŭ. Jana budzie raźličanaja na 150 miescaŭ. Pry ŭźviadzieńni haścinicy dla žyvioł buduć vykarystany srodki miascovaha zboru z uładalnikaŭ sabak.
