Ad ukusaŭ klaščoŭ u Biełarusi paciarpieła ŭžo zvyš 6,1 tys. čałaviek, u tym liku 1,6 tys. dziaciej.
U Biełarusi za sakavik—maj užo zafiksavana zvyš 6,1 tys. paciarpiełych ad ukusaŭ klaščoŭ, u tym liku 1,6 tys. dziaciej. Jak paviedamiła entamołah Respublikanskaha centra hihijeny, epidemijałohii i hramadskaha zdaroŭja Śviatłana Jaškova, heta ŭ 1,5 raza bolš u paraŭnańni z anałahičnym letašnim pieryjadam.
Układ maja ŭ ahulnuju «kusačuju» statystyku akazaŭsia vielmi važkim: siarod achviaraŭ kryvažernych členistanohich akazałasia 5,1 tys. čałaviek, u tym liku bolš za 1,2 tys. dziaciej. Sioletni maj pierakryŭ vynik maja 2009 taksama ŭ 1,5 raza. Heta tłumačycca niekalkimi faktarami. Pa‑pieršaje, u hetym hodzie nazirajecca samaja vysokaja kolkaść klaščoŭ za apošnija čatyry hady. Entamałahičnyja nazirańni śviedčać, što ŭ mai kolkaść asobinaŭ bolš na 8% u paraŭnańni z majem minułaha hoda. Pa‑druhoje, aktyvizacyi klaščoŭ sadziejničała ciopłaje nadvorje, jano ž stała pabudžalnym matyvam dla tysiač ludziej adpačyć na łonie pryrody, tamu stupień ryzyki padvierhnucca napadu kryvasmokaŭ pavialičyłasia.
Tradycyjna bolš za ŭsio paciarpiełych ad ukusaŭ kryvasmokaŭ u Minsku (za try miesiacy hetaha hoda — amal 1,6 tys. čałaviek) i ŭ Minskaj vobłaści (kala 1 tys.). U liku paciarpiełych kožny piaty — dzicia va ŭzroście da 18 hadoŭ.
Maksimalny ž lik zvarotaŭ u suviazi z ukusami čakajecca ŭ lipieni—žniŭni, kali nastupić jahadna‑hrybny siezon i ludzi masava pačnuć naviedvać lasy, adznačyła śpiecyjalist.
