Zbornaja Niamieččyny razhramiła zbornuju Aŭstralii na čempijanacie śvietu pa futbole ź likam 4:0.
Heta pieršy razhromny vynik — i samy vynikovy matč — na čempijanacie.
Pierad tym najbolšaja roźnica miačoŭ była dasiahnuta ŭ matčy Kareja – Hrecyja – 2:0. A astatnija matčy – ci ničyja, ci upartaja baraćba ź minimalnym vynikam 1:0.
Na 8-j chvilinie lik adkryŭ Łukaš Padolski. Na 27-j – hoł-pryhažun, niby ćvik u płachu, uvahnaŭ jašče adzin hulec polskaha pachodžańnia — Mirasłaŭ Kłoze.
U druhim tajmie vyznačylisia Tomas Miuler (67-ja chvilina), a Kakau zabiŭ svoj praz chvilinu paśla vychadu na zamienu (70-ja chvilina).
U druhim matčy pieršaha turu ŭ hrupie «D» zbornaja Hany pieramahła Sierbiju – 1:0 (Hjan, 87-ja-pienalci).
Taksama ŭ niadzielu zhulali zbornyja Słavienii i Ałžyra – 1:0 (Koren, 79-ja).
* * *
Takim čynam za try dni na čempijanacie śvietu pa futbole zhulanyja matčy pieršaha turu ŭ čatyroch hrupach:
A: PAR – Mieksika – 1:1, Uruhvaj – Francyja – 0:0.
PAR, Mieksika, Uruhvaj, Francyja – 1.
V: Arhiencina – Nihieryja – 1:0, Kareja – Hrecyja – 2:0
Kareja – 3, Arhiencina – 3, Nihieryja – 0, Hrecyja – 0.
S: Anhlija – ZŠA – 1:1, Słavienija – Ałžyr – 1:0
Słavienija – 3, Anhlija, ZŠA – 1, Ałžyr – 0.
D: Sierbija – Hana – 0:1, Niamieččyna – Aŭstralija – 4:0.
Niamieččyna – 3, Hana – 3, Sierbija – 0, Aŭstralija – 0.
* * *
U paniadziełak taksama projduć try hulni. U hrupie «Je» zhulajuć zbornyja Hałandyi i Danii (14:30) i Kamieruna i Japonii (17:00).
U hrupie «F» projdzie matč Italija – Parahvaj (21:30).