Zbornyja Anhlii i ZŠA (hrupa «S») zhulali ŭničyju – 1:1. Na vydatny ryvok-hoł Styvena Džerarda na 4-j chvilinie sustrečy, amierykancy adkazali... hołam u svaje varoty bramnika anhličan Robierta Hryna.
Udar pa varotach Anhlii na 40-j chvilinie nanios Klint Dempsi, Hryn nibyta zafiksavaŭ miač – Dempsi navat paviarnuŭsia śpinoj da bramy brytancaŭ i rušyŭ u bok centra pola (momant ža niby minuŭ) – ale praź imhnieńnie hałkipier «Uest Chema» vypuściŭ miač z ruk i toj zakaciŭsia ŭ varoty.
* * *
Siońnia, 13 červienia, u hetaj ža hrupie «S» zhulajuć zbornyja Ałžyra – kamanda z vychadam na čempijanat śvietu abjadnała krainu, što stajała na parozie hramadzianskaj vajny – i Słavienii, jakaja vybiła ź plej-of Rasiju. Pačatak tranślacyi na kanale «Ład» u 14:25.
Potym u boj ustupiać zbornyja, što hulajuć u hrupie «D»: Sierbija – Hana (17:00). Za sierbaŭ, darečy, vystupaje samy vysoki hulec čempijanatu – forvard Nikoła Žyhič. A hancaŭ (hančanaŭ? :) treniruje trenier-sierb.
Viečaram – Niamieččyna – Aŭstralija (21:25 – BT).
A zaŭtra, u paniadziełak, supiermatč Hałandyja – Danija (14:30). I chaj zajzdrościać tym, chto maje na pracy televizar!
