Pavodle infarmacyi Nacyjanalnaha statystyčnaha kamiteta Biełarusi, vałavy ŭnutrany pradukt u studzieni—mai 2010 hoda adnosna anałahičnaha letašniaha pieryjadu pavialičyŭsia na 6,4% da 55 trłn. 754,3 młrd. rubloŭ.
Pavodle vynikaŭ studzienia—krasavika 2010 hoda rost VUP składaŭ 6,1%, u studzieni—mai 2009 hoda — 0,7%.
Zhodna z prahnozam sacyjalna‑ekanamičnaha raźvićcia krainy, na 2010 hod zapłanavany pryrost VUP na 11—13%.
Abjom pramysłovaj vytvorčaści ŭ studzieni—mai pavialičyŭsia na 7,7% (hadavy prahnoz — rost na 10—12%), vytvorčaść spažyvieckich tavaraŭ — na 10,6% (rost na 14—15%). Pry hetym vypusk charčovych tavaraŭ pavialičyŭsia na 10,7% (14—15%), niecharčovych — na 11,1% (rost na 14—15%).
Indeks spažyvieckich cen pa stanie na kaniec maja 2010 hoda ŭ paraŭnańni z kancom śniežnia minułaha hoda vyras na 4%, u mai adnosna krasavika — na 0,8%, za hod — na 7,1%.
Vypusk sielskahaspadarčaj pradukcyi haspadarkami ŭsich katehoryj ułasnaści za piać miesiacaŭ hetaha hoda pavialičyŭsia na 5,5% (10—11%).
Abjom inviestycyj u asnoŭny kapitał uzros na 0,3% (23—25%). Uviedziena ŭ ekspłuatacyju 1 młn. 834 tys. kv. m žylla, ci na 2,9% mienš, čym u studzieni—mai 2009 hoda. U 2010 hodzie ŭsiaho płanujecca pabudavać 6 młn. 960 tys. kv. m žylla.
Pieravozki hruzaŭ pavialičylisia na 10,1%. Roźničny tavaraabarot — na 15,1% (prahnoz — 14—15%).
Kolkaść biespracoŭnych, zarehistravanych u orhanach pa pracy, zaniataści i sacyjalnaj abaronie, źniziłasia na 5,6% (da 40,8 tys. čałaviek) i skłała 0,9% ekanamična aktyŭnaha nasielnictva.
