Radoviščy słancavaha hazu ciahnucca ad Bałtyjskaha mora na Paleśsie.
Hazavyja radoviščy jość na Biełastoččynie i padychodziać da miažy ź Biełaruśsiu.
140 miljonaŭ dalaraŭ na pošuk słancavych radoviščaŭ hazu ŭ Polščy choča vydatkavać kanadskaja kampanija Talisman Energy i brytanskaja firma San Leon Energy, zajaviŭ dyrektar apošniaj Ojsin Faninh u intervju The Times.
U doŭhim śpisie kampanij, jakija chočuć vydatkavać na heta sotni miljonaŭ dalaraŭ, — suśvietnyja paliŭnyja mahnaty: amierykanskija ExxonMobil, Chevron, ConocoPhillips, Marathon Oil, narviežskaja Statoil, francuzskaja Total.
Hrošy na pošuki radoviščaŭ vydajucca Polščy ad 2008 hodu. Spačatku heta nie ahałošvałasia, a ŭviesnu viadomaja kansałtynhavaja kampanija Wood Mckenzie zajaviła, što Polšča moža mieć 1,4 trłn kubamietraŭ hazu — stolki ž, kolki i Niderłandy. Inšyja ekśpierty aceńvajuć polskija resursy da 3 trłn kubamietraŭ. Heta było b astranamičnym bahaćciem na sumu 1 trłn dalaraŭ.
Na dumku hieołahaŭ, Polšča maje najbujniejšyja ŭ Jeŭropie radoviščy słancu, jaki ŭtrymlivaje haz. I ciapier
jość vierahodnaść taho, što Polšča nie tolki stanie niezaležnaj ad impartu pryrodnaha hazu, ale i budzie davoli bujnym eksparcioram jaho ŭ ES.
Z vykarystańniem novaha mietadu bureńnia, pradstaŭlenym amierykancami, 3–4 hady tamu adbyŭsia praryŭ u zdabyčy ŭ Polščy hazu z radoviščaŭ słancu. U praśvidravany padziemny tunel uvodzicca pad vialikim ciskam vada, źmiašanaja ź piaskom i chimikalijami. Hetaja sumieś stvaraje ŭ skale sietku kanałaŭ, praź jakuju ačyščany haz ciače ŭ vierchniuju častku śvidraviny.
Niekatoryja ekołahi ŭ ZŠA aścierahalisia, što tajamničyja chimikalii atruciać pitnuju vadu. Zdabyvalniki hazu harantujuć, što takoj ryzyki niama.
Kanhres jašče pravodzić daśledavańnie, ale jeŭrapiejskija i japonskija kampanii ŭžo traciać miljardy dalaraŭ, kab kupić firmy, jakija śpiecyjalizujucca na zdabyčy hazu sa słancu.
Amierykanskaje vynachodnictva skałanuła suśvietnuju enierhietyku. U 2003 hodzie kiraŭnik Fiederalnaj reziervovaj sistemy Ałan Hrynśpien zajaviŭ, što zapasy hazu ŭ ZŠA padyšli da kanca, i Amierycy daviadziecca impartavać zvadkavany pryrodny haz. U minułym hodzie vyśvietliłasia, što dziakujučy rostu zdabyčy hazu sa słancu amierykancam niavyhadna ŭvozić zvadkavany pryrodny haz.
Zvadkavany haz, što zavoziŭsia z Katara, kuplała Jeŭropa, a z pryčyny, što jon byŭ udvaja tańniejšy za rasijski, «Hazprom» pačaŭ stračvać tut rynak. Tamu rasijskuju karparacyju razdražniajuć paviedamlenny pra radoviščy hazu ŭ Polščy.
Kali ŭ 1969 amierykanskija kampanii znajšli pryrodny haz u Narviehii, jana stała samym vialikim kankurentam «Hazpromu» ŭ Jeŭropie. Ci stanie takim kankurntam Polšča, budzie viadoma ŭ najbližejšyjatry-piać hadoŭ, ale zachodnija enierhietyki nie sumniajucca:
«U Polščy sa słancavym hazam budzie toje ž, što ŭ ZŠA, — zapeŭnivaje Krys Chopkins z francuzskaj kampanii Schlumberger, suśvietnaha lidera ŭ halinie technałohij ekspłuatacyi radoviščaŭ.
