Kleckamu aktyvistu inkryminujecca abraza pradstaŭnika ŭłady (art. 369 KK)
U paniadziełak 7 červienia kleckamu aktyvistu Ruchu «Za Svabodu» Siarhieju Panamaroŭ prynieśli pozvu, zhodna ź jakoj jamu nieabchodna źjavicca ŭ sieradu 9 červienia, a
Praz 10 chvilin Panamaroŭ atrymaŭ novuju pozvu, ź jakoj vynikaje, što jon vyklikajecca da śledčaha ŭ jakaści padazravanaha pa kryminalnaj spravie № 10026000040. Kab daviedacca pa jakim artykule jaho vinavaciać, Panamaroŭ patelefanavaŭ u rajonnuju prakuraturu. U samim Klecku hetaj infarmacyi nie akazałasia daviałosia źviazvacca z vobłaściu. Tam stała viadoma, što kleckamu apazicyjanieru inkryminujuć art.369 KK («abraza pradstaŭnika ŭłady»). Kaho i jakim čynam aktyvist abraziŭ, u prakuratury nie paviedamili.
«Najchutčej heta aznačaje žadańnie śpiecsłužbaŭ zadušyć moj biuleteń i sajt», — miarkuje Siarhiej Panamaroŭ. Jon nie vyklučaje i taho, što spravu mahli zavieści za adzin z artykułaŭ dla sajtu hramadskaj kampanii «Havary praŭdu», ź jakim jon supracoŭničaje.
Nahadajem, što Kleckaja prakuratura tolki ciaham 2007 hoda 5 razoŭ pačynała kryminalnuju spravu ŭ dačynieńni da Siarhieja Panamarova. Jaho vinavacili ŭ paklopie ŭ drukavanych srodkach.
Na minułym tydni Minski abłasny sud uziaŭ bok Panamarva ŭ spravie abvinavačańnia jaho ŭ abrazie načalnika kleckaj ŽKH. Sud prypyniŭ spravu i dasłaŭ jaje na dapracoŭku.
