Prezident Kazachstana Nursułtan Nazarbajeŭ admoviŭsia padpisać zakon ab nadzialeńni jaho statusam lidera nacyi i źviarnuŭsia da parłamienta i naroda krainy z tłumačeńniem svajoj pazicyi. Kiraŭnik dziaržavy adznačyŭ, što Mažylis vystupiŭ z padobnaj inicyjatyvaj dla dalejšaha ŭmacavańnia stabilnaści ŭ krainie.
Adnak, na dumku Nazarbajeva, status lidera nacyi nielha zdabyć tolki na asnovie zakona, dekretaŭ i inšych pravavych aktaŭ. Da taho ž prapanovy parłamienta ab abaronie honaru i niedatykalnaści prezidenta ŭžo byli zamacavanyja ŭ zakonie ab pieršym prezidencie respubliki.
Vysunuty parłamientam Kazachstana zakonaprajekt praduhledžvaje kryminalnuju adkaznaść za publičnuju abrazu i inšaje zamach na honar i hodnaść Nazarbajeva. Zhodna z dakumientam, pieršy prezident nie moža być zatrymany, aryštavany i asabista dahledžany, a taksama pryciahnuty da kryminalnaj i administracyjnaj adkaznaści.
Inicyjatyva parłamienta vyklikała abureńnie apazicyjnych i relihijnych arhanizacyj respubliki. Na dumku staršyni Sajuza musulman Kazachstana Murata Telibiekava, prezident krainy pavinien nieści takuju ž adkaznaść pierad zakonam, jak i inšyja hramadzianie. Telibiekaŭ zajaviŭ, što «navat prarok Muchamied nie byŭ u ranhu niedatykalnaha asoby».
