Subjekty haspadarańnia, jakija zajmajucca roźničnym handlem praź Internet, pavinny z 1 pa 30 červieniazarehistravać internet‑mahazin u Handlovym rejestry Biełarusi, paviedamili ŭ pres‑centry inśpiekcyi Ministerstva pa padatkach i zborach pa Minsku.
U inśpiekcyi nahadali, što ŭ suviazi z ustupleńniem u siłu pastanovy Savieta Ministraŭ ad 29 krasavika biahučaha hoda numar 649 z 1 lipienia jurydyčnyja asoby i indyvidualnyja pradprymalniki buduć vieści roźničny handal praź internet‑mahaziny, zarehistravanyja ŭ Handlovym rejestry respubliki.
Dla rehistracyi internet‑mahazinaŭ jurydyčnyja asoby i IP abaviazany ŭ pieryjad z 1 pa 30 červienia źviarnucca ŭ rehistrujučy orhan.
Rašeńniem Minharsavieta deputataŭ ad 17 sakavika №286 na terytoryi stalicy ŭstanoŭleny staŭki adzinaha padatku dla indyvidualnych pradprymalnikaŭ i fizičnych asob. Maksimalnyja staŭki padatku, jak i papiarednija hady, zaćvierdžany dla IP, jakija zajmajucca roźničnym handlem praź internet‑mahaziny.
Pamier płaciažu zaležyć ad vidu dziejnaści subjekta haspadarańnia. Tak, maksimalnaja staŭka adzinaha padatku (Br1,23 młn. u miesiac) prymianiajecca pry roźničnym handli praź Internet aŭta‑ i motatranspartam. Na adzieńnie sa skury jana składaje Br920 tys., meblu, bytavuju techniku, kampjutery, mabilnyja telefony, parfumierna‑kaśmietyčnyja tavary, budmateryjały — Br530 tys., miasa, ptušku, kaŭbasnyja vyraby — Br440 tys., chleb, chlebabułačnyja vyraby, małako i małočnuju pradukcyju — Br200 tys.
Va ŭpraŭleńni kantrolu za indyvidualnymi pradprymalnikami i fizičnymi asobami inśpiekcyi MPZ pa Minsku adznačyli, što ŭ stalicy aktyŭna raspaŭsiudžvajecca forma roźničnaha handlu praź internet‑mahaziny. Jaho maštaby nie ŭstupajuć handlu ŭ stacyjanarnych abjektach. Tak, vyručka IP ad roźničnych prodažaŭ praź Internet u siarednim u 1,5‑3 razy pieravyšaje vyručku pradprymalnikaŭ, jakija handlujuć u stacyjanarnych mahazinach. Pry hetym adziny padatak vypłačvajecca pa kožnamu handlovamu abjektu (handlovamu miescu na rynku), a pry handli praź internet‑mahaziny vypłačvajecca adna staŭka adzinaha padatku, niezaležna ad kolkaści internet‑mahazinaŭ. Akramia taho, taki vid dziejnaści ciažka kantralavać. U suviazi z hetym uładalniki internet‑mahazinaŭ u stalicy płaciać maksimalnyja staŭki adzinaha padatku.
