20-21 maja ŭ Minsku projdzie Piaty mižnarodny kanhres biełarusistaŭ 5

U hetyja dni ŭ biełaruskaj stalicy adbudziecca mnostva raznastajnych pasiedžańniaŭ, kanfierencyj i sustreč, pryśviečanych biełaruskaj tematycy.

Udzieł u ich voźmuć samyja viadomyja daśledčyki i navukoŭcy, jakija zajmajucca pytańniami biełaruskaj historyi, kultury i movy.

Siarod udzielnikaŭ kanhresa Elžbieta Smułkova (Varšava, Polšča), prafiesar Instytuta interdyscyplinarnych daśledavańniaŭ «Artes Liberales» Varšaŭskaha ŭniviersiteta, Arnold MakMilin (Łondan, Vialikabrytanija), Mikałaj Nikałajeŭ (Sankt-Pieciarburh), zahadčyk adździeła redkaj knihi Rasijskaj nacyjanalnaj biblijateki, Darota Michaluk (Toruń, Polšča), doktar humanitarnych navuk, Adam Maldzis (Minsk), prafiesar, Ryhor Piŭtarak (Kijeŭ, Ukraina), akademik, Aleś Smalančuk (Hrodna-Vilnia, Biełaruś), prafiesar, Ryšard Radzik (Lublin, Polšča), prafiesar, i inš.

Kanhres taksama budzie supravadžacca spadarožnymi imprezami, siarod jakich asablivuju cikavaść maje vyklikać lekcyja prafiesara Cimaci Snajdera (Jelski univiersitet, ZŠA) «Pachodžańnie narodaŭ Uschodniaj Jeŭropy» (17.00, 19-ha maja, kanfierenc-zała Instytuta imia Hiote, vuł. Viery Charužaj, 25/3, 4-y pavierch).

Poŭny śpis mierapryjemstvaŭ Piataha mižnarodnaha kanhresa biełarusistaŭ možna pabačyć tut.

AP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH