HUUS Minharvykankamu zavioŭ błoh u livejornal.com, a taksama akaunt na twitter.com. Ciapier tut budzie raźmiaščacca samaja važnaja infarmacyja ad staličnych pravaachoŭnikaŭ.
«Usim dobraha času sutak. Z našym źjaŭleńniem u błohaśfiery bajnetu źjaviŭsia novy hulec na infarmacyjnym poli: HUUS Minharvykankama. Z hetaha času ŭ hetaj ŽŽšcy budzie raźmiaščacca najbolš važnaja infarmacyja (z našaj punktu hledžańnia) ad minskaj milicyi (z sajta guvd.gov.by). Taksama padobnaja infarmacyja budzie dublavacca i ŭ tvitery: twitter.com / GUVD_Minsk!» Heta pieršy dopis u dziońniku HUUS Minharvykankamu, zaviedzienym u livejornal.com.
Jak i varta taho było čakać, debiut staličnaj milicyi ŭ błahaśfiery nie byŭ abdzieleny ŭvahaj. Pieršy ž dopis sabraŭ bolš za sotniu kamientaroŭ, daloka nie kožny ź jakich byŭ dobrazyčlivy. Milicejskija błohiery, jak vyhladaje pa ich adkazach u kamientarach, apynulisia padkavanymi ŭ śpiecyfičnaj internet-terminałohii: ich mova jaŭna nie hrašyć pratakolnaściu, maderatary nie curajucca słenhu, aktyŭna ŭžyvajuć smajliki. Stvaralniki błohu nie chavajuć, što ŭ peŭnym sensie heta ekśpierymient. Na pradkazalnuju reakcyju błohieraŭ jany ŭ pieršych ža kamientarach adkazali tak: «Dziakuj za pažadańni ŭdačy! Miarkujučy pa kamientach, jana nam nie zaškodzić;). Darečy, cierci kamienty nie budziem chutčej za ŭsio. Chacia składana skazać — heta našyja pieršyja niaśmiełyja sproby asvoicca na infarmacyjnaj prastory. Sens našaha źjaŭleńnia prosty: kali aficyjnaja infarmacyja budzie važnaja i patrebnaja tutejšym karystalnikam, my budziem pościć. Kali nie — błoh začachnie i pamre».
Padobnyja inicyjatyvy ŭźnikali ŭ susiednich krainach. Tak, naprykład, u ŽŽ źjaviłasia rasijskaja milicyja. Ale, jak śviedčać rasijskija błohiery, doŭha hety ekśpierymient nie pratryvaŭ.
