Instytut pamiežnaj (pahraničnaj) słužby Biełarusi stvarajecca na bazie pamiežnaha fakulteta Vajennaj akademii Biełarusi ŭ Minsku. Adpaviedny ŭkaz №237 Alaksandr Łukašenka padpisaŭ 5 maja.
Takoje rašeńnie pryniata ŭ metach udaskanaleńnia kadravaha zabieśpiačeńnia orhanaŭ pamiežnaj słužby.
Instytut budzie ŭvachodzić u sistemu orhanaŭ pamiežnaj słužby i źjaŭlacca jurydyčnaj asobaj. Padparadkoŭvacca jon budzie Dziaržaŭnamu pamiežnamu kamitetu, staršynia jakoha zaćviardžaje kolkaść, strukturu i štat instytuta ŭ miežach ahulnaj kolkaści orhanaŭ pahraničnaj słužby i raschodaŭ na ich utrymańnie.
Uznačalić hetu navučalnuju ŭstanovu načalnik, jaki budzie padparadkoŭvacca staršyni Dziaržaŭnaha pamiežnaha kamiteta i naznačacca na pasadu i vyzvalacca ź jaje prezidentam Biełarusi z padačy staršyni Dziaržaŭnaha pamiežnaha kamiteta.
Ukaz ustupaje ŭ siłu z 1 lipienia 2010 hoda.
0
0
0
0
0
0
