Kanhres Libieralna‑demakratyčnaj partyi (ŁDP) projdzie letam 2010 hoda, paviedamiŭ lider partyi Siarhiej Hajdukievič.
Pavodle jaho słoŭ, 30 sakavika na imia kiraŭnika Administracyi prezidenta Uładzimira Makieja byŭ nakiravany list z prośbaj dazvolić ŁDP arandavać zału ŭ staličnym Pałacy Respubliki dla praviadzieńnia kanhresu.
«Adkaz z administracyi ŭžo pryjšoŭ. U im nie skazana ni tak, ni nie.
Nam adkazali, što treba padavać zajaŭku kiraŭnictvu Pałaca Respubliki», — adznačyŭ Hajdukievič.
Palityk paviedamiŭ, što ŭ najbližejšy čas buduć padadzieny zajaŭki na praviadzieńnie kanhresu ŭ Pałac Respubliki i kancertnuju zału »Minsk».
«Nas zadavolić lubaja data ŭ červieni‑žniŭni», — skazaŭ Hajdukievič.
Padčas kanhresa ŁDP płanuje abmierkavańnie ŭdziełu partyi ŭ čarhovych prezidenckich vybarach, u tym liku pieradvybarnaj prahramy pretendenta ŭ kandydaty na pasadu prezidenta Siarhieja Hajdukieviča.
Nahadajem, źjezd ŁDP vyłučyŭ pretendentam u kandydaty na pasadu prezidenta Biełarusi Hajdukieviča ŭ 2008 hodzie.
